Дүйнө жүзүндө Жаңы жыл түнү асманга атылып көздүн жоосун алган майрамдык салюттар

Көптөн күткөн жаңы 2018-жыл да кирип келди. Дүйнөнүн көптөгөн өлкөлөрү бул майрамды шаңдуу салтанат менен тосуп алышты. Жылдын эң негизги майрамы адаттагыдай эле салтка айланып калган майрамдык салюттар менен коштолду. Жаңы жылды утурлай кайсы өлкөдө кандай майрамдык салюттар атылганына көз салып көрөлү.

1. Дүйнөлүк рекорд жаратуудан тажабаган Дубайда бул ирет Жаңы жылда адаттагыдай майрамдык салют атылбастан лазердик шоу орун алган.10 миңдеген адамдар эң бийик имараттардын бири Бурж Халифа мунарасынын бетине түшүрүлгөн ири лазердик шоу көргөзмөсүнө күбө болушту. Бул лазердик шоу "Гиннесстин дүйнөлүк рекорддор" китебине кирди.

2. Күн чыгыш өлкөсү аталган Японияда да майрамдык салют мыкты деңгээлде уюштурулуп, көрүүчүлөрдүн маанайын көтөрдү. Фудзияма жанар тоосунун фонунда катары менен атылган салюттар элге өзгөчө сезим тартуулап, кирип келген жыл аталган өлкөдө "Чечкиндүү кадамдарды жасоонун жана аракет кылуунун жылы" деп белгиленген.

3. Миллиондогон көрүүчүлөр назар салып турган майрамдык фейерверк Гонконгдо да болду. Асман тиреген имараттардан жана суу бетине жайгаштырылган атайын жерлерден атылып чыккан түстүү боёктуу салюттар көрүүчүлөрдү масштабдуулугу менен таң калтырбай койгон жок.

4. Ал эми Сиднейде Жаңы жылдык салюттар көпүрөдөн асманга атылды. Мындай укмуштуудай көрүнүшкө күбө болуу үчүн көрүүчүлөр кемелерге түшүп, көпүрөгө жакын келишкен. Салюттан тышкары көпүрө да түстүү өңдөргө кубулуп турган.

5. Англиянын борбор шаары Лондондо уюштурулган майрамдык салют да башка өлкөлөрдөн кем калышкан жок. Асманга атылган түстүү жарыктар суу бетине чагылышып өзгөчө көрктүү болуп турган.

6. Бишкек шаарында Жаңы жыл түнү асманга атылган салют да өзүнүн кооздугу менен көбүн суктандырды. Майрам күнү асманда 10 мүнөттөй түркүн түстүү жарыктар жанып турду. Мындан сырткары шаар тургундары жана коноктору үчүн майрамдык концерт уюштурулган.

Автор: Айзада Тураркулова

13:25 02-01-2018

Жазылуу

РУБРИКАДАГЫ СОҢКУ КАБАРЛАР

10:56 2025-05-01 | Кылмыштар, кырсыктар

Ошто МАИ кызматкерин чаап жиберген жаранга кылмыш иши козголду 34 0

10:50 2025-05-01 | Супер-Инфо

Француз десерти – профитроли 38 0

10:38 2025-05-01 | Түркүн дүйнө

Путин үч жылдан бери түнүнүн көбүн өткөргөн Кремлдеги батирин көрсөттү (видео) 267 0

10:15 2025-05-01 | Маданият, шоу-бизнес

"Оор жашоону көргөнбүз". Актёр Актан Рыскелдиевге жубайы унаа белек кылды (видео) 438 0

10:10 2025-05-01 | Супер-Инфо

Мамилени бекемдеген сүйүүнүн 5 тили 129 0

09:57 2025-05-01 | Түркүн дүйнө

Өзбекстанда электрондук тамекиге толугу менен тыюу салынды 181 0

Архив

Комментарийлер (2)

Benazir08

2018-01-02 14:32:02

Дубадыкы укмуш болуптур. Бирок оронгон келиндер да укмуш бийлеп жаны жылды жакшы тосушуптур го. Алар дин жолун терендеп тандап намаз окушса жаны жылга ушунчалык кызыгабы? Кыргыздар азыр коп деле белрилебей калышты. Дээрлик айылдагылар

Ka2sr1

2018-01-02 14:47:59

Жаны жыл бул христяндарды исламды буддисттерди жана башка динди жамандай турган майрам эмес. Тушунгон киши тушунот, тушунбогону арабтардын жана биздин чала молдолордун приказы менен жашап журо берет.

Комментарий калтыруу үчүн өз ысымыңыз менен кириңиз же каттоодон өтүңүз.