Окумуштуулар кытайлык космостук станция жакынкы арада жерге түшөрүн билдиришти

Окумуштуулар кытайлык космостук станция жакынкы арада жерге түшөрүн билдиришти. Бул тууралуу чет элдик маалымат каражаттары жазып чыгышты.

Маалыматта жазылгандай, дүйнөдөгү эң алгачкы кытайлык космостук станция жер бетине 2018-жылдын май айында түшөрү күтүлүүдө.

2011-жылы космоско жиберилген кытайлык "Tiangong-1" космостук станциясы 2017-жылдын аягында жер бетине кайтып келиши керек эле. Бирок Кытайда аталган станция менен болгон байланыш 2016-жылы үзүлгөндүгүнө байланыштуу аны башкарууга мүмкүн болбой калган.

Буга чейин "Tiangong-1" Испания, Италия, Греция, Португалия жана Болгария өлкөлөрүнө түшүшү мүмкүн деген божомолдор айтылган. Бирок азыркы тапта станция кайсы аймакка түшөрү белгисиз.

Ал эми станцияны мурда көзөмөлдөп турган космостук агенттиктердин билдиргенине таянсак, "Tiangong-1" эч кандай коркунуч туудурбайт. Ал кайсы бир океанга же болбосо калк жайгашпаган аймакка түшөт.

Автор: Айзада Тураркулова