Британия ханышасы Елизавета II үй-бүлөсүн 57 жылдан бери ич кийим менен камсыздаган компания менен келишимин үздү

Компаниянын ич кийимдери

Елизавета II

Британия ханышасы Елизавета II жана падышалык үй-бүлөдөгү айымдарды 57 жылдан бери ич кийим менен камсыздаган Rigby&Peller компаниясы бул мүмкүнчүлүгүнөн кол үздү. Бул тууралуу чет элдик басылмалар жазып чыгышты.

Маалым болгондой, буга аталган бренддин жетекчиси Жон Кентондун жарык көргөн китеби себеп болгон. Анда Кентон падыша үй-бүлөсү кандай бюстгальтерлерди жактыра турганын ачык жазып, дүйнөнүн эң атактуу айымдары ал жетектеген бренддин ич кийимдерин тандай турганын кошумчалаган. Мындан улам падышалык үй-бүлө 57 жылдан бери иштешип келе жаткан бренд менен келишимин бузуп, аталган компаниядан жарнамаларынан тез арада падыша үй-бүлөсүнүн гербин алып салууну талап кылган.

Белгилей кетсек, Rigby&Peller компаниясын 1939-жылы Гита Пеллер жана Берт Ригби аттуу достор негиздеген. 1960-жылы болуп көрбөгөндөй популярдуулукка жетип, анын алкагында падышалык үй-бүлө менен чогуу иштешүү келишими түзүлгөн. Ал эми 1982-жылы брендди Кентондун үй-бүлөсү сатып алган. Учурда бир ич кийимдин баасы болжол менен 8000 сомду түзөт.