"Linkin Park" тобунун лидери Честер Беннингтондун жансыз денеси табылган үй ижарага берилет

"Linkin Park" тобунун лидери, солист Честер Беннингтондун каза болгонуна жарым жыл болгон соң ал жашаган үй ижарага берилүүдө. Бул тууралуу чет элдик басылмалар жазып чыгышты.

Анын 4000 чарчы метр аянттагы үйүндө 1 ай жашоо үчүн 8,8 миң доллар ижара акы төлөө кажет.

Ырчы 5 уктоочу бөлмө, конок үйү жана бассейн жайгашкан бул хан сарайды каза болоруна аз калганда, тактап айтканда, 2017-жылдын май айында 2,5 миллион долларга сатып алган.

Эске салсак, Честер Беннингтондун жансыз денеси өткөн жылы 20-июлда дал ушул үйүнөн табылган.

Маалым болгондой, ал узак убакыттан бери аракечтик жана баңгилик менен алышып келген. Кайсы бир билдирүүлөрүнө караганда, ал кичине кезинде чоң адамдардын урушуп, мазактаганынан өмүрүн кыйгысы келгенин айткан. Ошондой эле музыкант көптөн бери депрессияда жүргөн деген кептер айтылат.

Автор: Наргиза Талантбекова

14:15 26-01-2018

РУБРИКАДАГЫ СОҢКУ КАБАРЛАР