ЖЫЛНААМА, 28-ЯНВАРЬ: Ырыскелди Осмонкулов: "12 жылдан бери туулган күнүмдө бильярд боюнча турнир өткөрүп келем"

Бүгүн, 28-январда Кыргыз Республикасынын Эмгек сиңирген артисти Ырыскелди Осмонкулов 50 жашка толуп, өзүнүн юбилейин белгилеп жаткан учуру. SUPER.KG порталы ырчыны куттуктоо максатында байланышка чыгып, анын бүгүнкү күнгө койгон пландарын билди.

"12 жылдан бери туулган күнүмдө жакын досторум, сахналаш-санаалаштарым арасында бильярд боюнча турнир өткөрүп жүрөм. Быйыл да бул салтты бузбастан катуу даярдык көрүүдөмүн. Буюрса, кечинде кезектеги турнир башталат. Ал эми юбилейим менен алгачкылардан болуп, албетте, үй-бүлөм, жубайым жана балдарым куттукташты. Андан соң Берлин жана Ташкентте жашаган эжелерим байланышка чыгып, куттуктоо сөздөрүн арнашты. Азыр социалдык тармактагы досторум жазган жылуу пикирлерди окуп, маанайым абдан көтөрүлүп жатат", - дейт ырчы. Жубайы менен

Ырыскелди Осмонкулов 1968-жылы 28-январда Сокулук районундагы Мыкан айылында туулган. 10 бир туугандын кичүүсү. 2-класстан кийин Фрунзедеги М.Абдраев атындагы музыкалык мектебине кирип, ал жакта Гүлнара Тойгонбаева, Светлана Назаренко, Жылдыз Осмоналиева, Актан Исабаев менен бирге билим алган. Музыкалык мектепти аяктаган соң М.Күрөңкеев атындагы музыкалык училищеге тапшырган. 1992-жылы “Инсан” тобунда ырдап, “Биздин Ала-Тоонун кыздары” деген ыр менен эл алдына чыккан. Ал эми 1996-жылы “Ай баратат” ыры менен жеке чыгармачылыкка киришкен. Ошондой эле бир нече эл аралык сынактарда кыргыздын желегин желбиретип келген. Ал эми 2003-жылы “Эмгек сиңирген артист” наамына татыса, 2017-жылы "Даңк" ордени менен сыйланган.

28-январдын жылнаамасы.

Автор: Наргиза Талантбекова

12:34 28-01-2018

Жазылуу

РУБРИКАДАГЫ СОҢКУ КАБАРЛАР

14:24 2025-05-10 | Спорт

Ирандагы мелдеште кыргыз балбаны Бекзат Алмаз уулу алтын тагынды (видео) 138 0

13:40 2025-05-10 | Коом жана турмуш

Бишкекте жер алдынан өтүүчү өтмөктүн курулушу башталды. Кайсы көчө жабылды? (видео) 386 0

13:00 2025-05-10 | Коом жана турмуш

Жалал-Абад шаарына курулуучу аэропорттун долбоору жарыяланды 613 0

12:39 2025-05-10 | Спорт

Эртең кыргыз мушкери Валентина Шевченко франциялык Фиоро менен беттешет (видео) 408 0

11:46 2025-05-10 | Коом жана турмуш

Бишкекте Жеңиштин 80 жылдыгын утурлай Чолпонбай Түлөбердиев атындагы музей ачылды 343 0

11:08 2025-05-10 | Коом жана турмуш

Садыр Жапаровдун жерге жармаштырылган желекти алып, чөнтөгүнө салган видеосу тарады 2560 1

Архив

Комментарийлер (4)

Taalaibek.

2018-01-28 12:52:39

Намаз окуйт болду бекен? Бильярд кумарга кирет да.

ajydaar

2018-01-28 19:35:08

Taalaibek., бильярд кумарга кирбейт. Кайсы убакта бильярд ойногон кумарга кирет? жооп; бироо менен ортого бирдеме коюп ойносон (мисалы; акча коюп) кумар болот. А сырттан башка адам оюнчуларга байге койсо, кумар болбойт. Ошондой эле намаз убагында бильярдды токтотуп, намаз окуп алып, андан кийин ойной берсе болот.

Isco23

2018-01-28 19:21:24

Кубок Ырыскелди деп КР боюнча эле откоруп берсе жарашмак))

Rasul94

2018-01-28 19:43:14

Жакшы демилге кылыптыр мен колдойм.коп жашаныз омурунуз узун болсун

Комментарий калтыруу үчүн өз ысымыңыз менен кириңиз же каттоодон өтүңүз.