Машыктыруучу: "Дирекциянын жардамы тийбегендиктен Олимпиададагы жыйынтык начар болуп калышы мүмкүн"

Спорттун олимпиадалык түрлөрү боюнча дирекциясы Кышкы Олимпиада оюндарына катыша турган спортчу Евгений Тимофеевге колдоо көрсөткөн жок. Бул тууралуу бүгүн, 30-январда маалымат жыйында лыжа спорту боюнча федерациясынын президенти жана Кыргыз курама командасынын ага машыктыруучусу Игорь Борисов билдирди.

Анын айтымында, дирекциянын жардамы тийбегендиктен Олимпиададагы жыйынтык начар болуп калышы мүмкүн.

"Олимпиада оюндарына даярдык абдан начар болду, анткени Спорттун олимпиадалык түрлөрү боюнча дирекциясы бизге колдоо көрсөткөн жок. Алар биздин жайкы жана кышкы окуу-машыгуу жыйындарыбызды үзүп салды. Колубуздан келген даярдыкты көрүп, өзүбүз каражат издедик. Бирок биз тапкан каражат Олимпиада оюндарына даярданууга жеткен жок. Учурда спорттун олимпиадалык түрлөрү боюнча дирекциясы бизге 400 миң сом карызы бар. Анткени биз окуу-машыгуу жыйындарын өзүбүздүн акчабызга өткөрүп жаттык. Мунун баарына дирекциянын мурунку жетекчиси Алмаз Касенов күнөөлүү деп ойлойм", - деди Игорь Борисов.

Ошондой эле Евгений Тимофеевдин даярдыгы тууралуу буларга токтолду.

"Биз 2017-жылдын жай мезгилинде Литвада, ноябрь айында Австрияда, декабрда Италияда машыгууларды өткөрдүк. Кореяда даярданууга 12 күн бар, мелдештин стартына чейин өзүбүзгө келип, жакшы көрсөткүч менен жыйынтыктайбыз деп ойлойм. Олимпиада оюндарында Евгений Тимофеевден алдыңкы 40 спортчунун арасында боло турганын күтөбүз", - деди ал.

Автор: Нурсултан Нурболот уулу
Фото: Нурсултан Нурболот уулу

16:38 30-01-2018

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 173 0

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 229 0

00:36 2025-05-16 | Түркүн дүйнө

Франция Иранды Эл аралык сотко берет 284 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 239 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 745 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 558 0

Архив

Комментарийлер (2)

TalaCSKA

2018-01-30 16:57:11

Ошончо даярданып акча коротуп анан 40 спортчунун ичине кирину максат кылсанар анда аман эле болгула эмнеге медальга курошобуз деп максат кылбайсынар алдын ала эле 40 спортчу деп лучше барбай эле койгула!

-3

Dembele84

2018-01-30 20:10:51

Ушинтип карабай койсо ким спорт менен машыгат анан?Озубуздо эле базаларды ачып,оюндарга кам коруп,ийгиликке жетишсе болот.Но чондорго баарибир аны менен иши жок

Комментарий калтыруу үчүн өз ысымыңыз менен кириңиз же каттоодон өтүңүз.