2017-жылы өлкө аймагында 1,5 миңге жакын спорттук иш-чаралар өткөн

2017-жылы өлкө аймагында 1 миң 412 жакын спорттук иш-чаралар өткөн. Бул тууралуу SUPER.KG порталына Жаштар иштери, дене тарбия жана спорт агенттигинен билдирди.

Маалыматка караганда, 2017-жылы спорт агенттиги тарабынан 1 миң 412 спорттук-массалык иш-чара өткөрүлүп, алардын 57си эл аралык багытта өткөрүлгөн. Эң көп спорттук иш-чаралар Нарын жана Ош облустарында өткөн.

Облустар боюнча бөлүнүш:

Чүй облусунда 280 иш-чара;

Ысык-Көл облусунда 99 иш-чара;

Нарын облусунда 326 иш-чара;

Талас облусунда 154 иш-чара;

Жалал-Абад облусунда 102 иш-чара;

Ош облусунда 326 иш-чара;

Баткен облусунда 125 иш-чара.

Андан тышкары, 2017-жылы Кыргыз Республикасынын аймагында спорттун түрлөрү боюнча 5 Азия чемпиондугу өткөрүлгөн. Анда Азия мамлекеттеринен 814 спортчу катышкан.

Кыргыз Республикасында өткөн Азия чемпиондуктары:

Бишкек шаарында өткөн Снукер боюнча Азия чемпиондугу;

Бишкек шаарында өткөн дзюдо боюнча балдар жана кыздар арасындагы Азия чемпиондугу;

Бишкек шаарында өткөн ден соолугунун мүмкүнчүлүгү чектелген жарандардын арасындагы шахмат боюнча Азия чемпиондугу;

Чолпон-Ата шаарында өткөн кол күрөш боюнча Азия чемпиондугу;

Ош шаарында өткөн ММА боюнча Азия чемпиондугу.

Автор: Нурсултан Нурболот уулу
Фото: Нурсултан Нурболот уулу