super.kg logo

Президент коррупцияга каршы күрөштө натыйжа көрсөтө албаган органдарды атап, алардын ишинин жыйынтыгын ашкереледи

 

Бүгүн, 8-февралдагы Коопсуздук кеңешинин жыйынында өлкө башчысы Сооронбай Жээнбеков коррупцияга каршы күрөштө натыйжа көрсөтө албаган органдарды атап, алардын ишинин жыйынтыгын ашкереледи. Президент бардык укук коргоо органдарынын ишине анализ жүргүзүп чыкканын айтты.

"ИИМ тарабынан акыркы эки жылда 65 миң кылмыш иши козголгон. Анын ичинен соттук кароого болгону 30 пайызы гана жөнөтүлгөн. Ар бир үч иштин экөөсү сотко жиберилген эмес. Сотко жеткен иштердин 44 пайызы боюнча соттор тарабынан айыпталуучулар кылмыш жоопкерчилигинен бошотулган. 13 пайызы гана жоопко тартылган, анын жарымынан азыраагы эркинен ажыратылган.

Экономикалык жана коорупциялык кылмыштарды иликтей турган Финансы полициясы (Экономикалык кылмыштуулукка каршы күрөшүү кызматы - ред.) 2016-2017-жылдары 3807 кылмыш ишин козгогон. Бирок алардын 23 пайызы гана сотко жөнөтүлгөн. Ар бир 5 иштин төртөөсү сотко өткөн эмес. Козголгон иштердин 10 пайызы боюнча гана соттор тарабынан айыпталуучулар кылмыш жоопкерчилигине тартылган. Сотко өткөн иштердин 27 пайызы боюнча жоопкерчиликтен бошотулган. Болгону 41 кылмыш иши боюнча эркинен ажыратуу өкүмү чыккан.

УКМК акыркы эки жыл ичинде эки миңден ашык кылмыш ишин козгогон. Бирок алардын 29 пайызы гана сотко жиберилген. Алардын жарымы боюнча айыпталуучулар жоопко тартылган", - деди Жээнбеков.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 6 
Комментарийлер(1)
08.02.2018. 13:28 
Тайпасы:
Жаран
Комментарийлердин саны:
192
Катталган:
04-07-2017
Соӊку аракети:
22-09-2018 15:28
Жынысы:
Белгисиз
+4
жээнбеков менимче бираз болсо да туура саясат жургузо баштагандай болуп жатат мисалы райым миллиондун иштен айдалышы анын анын 13000000дон ашык акча жеп жургонун аныктап жатканы эми кылмыш ишин козгосо дагы корунуктуу жумуш жасаган болот Атабаевдин козун карабай оз алдынча жумуш алып барып жатканы конулду суйундурот президенттен суранаарыбыз биринчи очеред экологиябызды карап андан кийин озубуздо жумуш орундуктарын кобойтуп экономикабызды которсо дейм ошондо эл ыраазы Алла ыраазы болсо керек
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114526;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: