Кыргыз өлкөсүнүн Орусиядагы элчилиги Кышкы дипломатиялык оюндарда кичи-футбол боюнча мелдеште жеңүүчү аталды

Кыргыз Республикасынын Орусиядагы элчилиги XVIII Кышкы дипломатиялык оюндарда кичи-футбол боюнча мелдеште 1-орунду жеңип алды. Бул тууралуу аталган элчиликтин басма сөз кызматынын өкүлү Гүлбарчын Байымбетова билдирди.

"Кичи-футбол боюнча мелдеште жалпы 18 элчиликтин командалары катышкан. Кыргыз курамы Куба, Молдова, Түштүк Корея, Азербайжан командаларын жеңип, аталган мелдештин жеңүүчүсү болду", - дейт Байымбетова.

Айта кетсек, Кышкы дипломатиялык оюндарда 20 өлкөнүн элчиликтери спорттун 6 түрү боюнча күч сынашкан. Командалар биатлон, хоккей, лыжа спорту, стол үстүндөгү теннис, бильярд жана кичи-футбол боюнча таймашып жеңүүчүлөрдү аныкташты.

Автор: Нурсултан Нурболот уулу
Фото: Гүлбарчын Байымбетова