Украинадан депортацияланган Саакашвили Польшага өткөрүлдү

Украинадан депортацияланган Михаил Саакашвили Польшага өткөрүлдү. Бул тууралуу чет элдик басылмалар жазып чыгышты.

Маалыматка ылайык, Украина бийлиги анын өлкө аймагында мыйзамсыз жүргөнүн айткан. Украинанын оппозициячыл саясатчысы, Одесса облусунун мурдагы губернатору Саакашвили Польшанын аймагына кечээ, 12-февралда өткөн. Ал ошол эле күнү Киевдеги ресторандардын биринде түштөнүү учурунда кармалып, өлкөдөн чыгаруу иштери жүргүзүлгөн. Буга байланыштуу Киевдеги президенттик администрациянын алдына нааразычылык акциясына чогулган бир канча активисттер кармалган.

Белгилей кетсек, өткөн жылы жазында Саакашвили Польшада жүргөн учурда Украинанын жарандыгынан ажыратылган. Бирок ал тарапташтарынын колдоосу менен чек арадан Украинага өткөн.

Автор: Мунарбек Жоргомов

08:45 13-02-2018