Жеңиш Майрамбек уулу: "Жубайым таарынчаак, бир нерсе болсо эле көз жашы даяр турат"

SUPER.KG порталынын Түз эфиринин кезектеги коноктору 14-февраль - Сүйүшкөндөр күнүнө карата көпчүлүктү суктандырган белгилүү түгөйлөрдөн турмакчы. Анда Кыргыз Республикасынын Эл артисти Марат Алышпаев жана жубайы, белгилүү ырчы Дилбар Раимбекова менен биргеликте сүйүү таржымалы тууралуу маек курушат. Андан соң өлкөдөгү белгилүү стилист, дизайнер Замира Молдошева жана жолдошу Моңолдор мырза конокко келишет. Ошондой эле "Тамашоу" аркылуу таанылып, "Сүйлөшкөн кызымдын баатыры", "Бир тууганчик", "Айыл Кэмп" тасмаларында роль жараткан жаш актёр Жеңиш Майрамбек уулужубайы Нурайым менен бирге Түз эфирдин дагы бир таттуу түгөйлөрүнүн катарын толуктайт.

Жогоруда аталган түгөйлөргө арнаган жылуу ой-пикирлериңиз же кызыктуу суроолоруңуз болсо, мүмкүнчүлүктөн пайдаланып Түз эфир жүрүп жатканда "Соңку кабар" аркылуу комментарий жазып, жооп алсаңыздар болот. Коноктор бүгүн 15:00дө баштала турган SUPER.KG порталынын түз эфири учурунда берилген суроолорго жооп беришет.

Эске салсак, суроолор редакция тарабынан иргелет. Мааниси окшош, кайталанма суроолор эфирге чыгарылбайт.

15:50 Жеңиш Майрамбек уулу жана анын жубайынын маеги башталды.

15:52 Жаш жубайлар кантип таанышканы тууралуу айтып беришти. "Жубайым Нурайым экөөбүз 7 жыл кыз-жигит катары сүйлөшүп жүрдүк", - дейт "тамашоучу".

15:55 Суроо: "Эркектер үйлөнгөндө толуп кетишчү эле, Жеңиш эмнеге семирген жок?"

"Жеңиш дайыма тамак ичип жатканда телефон чукулап отурат. Анан ага алаксып жатып, эмне жегенин деле билбейт. Анан кантип семирмек эле?" - дейт жубайы.

15:58 Суроо: "Нурайым, жолдошуңдун тамашаларына таарынып калган учурлар болобу?"

"Жаңы таанышканда андай учурлар көп эле болгон. Азыр маани деле бербейм".

16:00 "Жубайым абдан таарынчаак. Бир таарынганда 1-2 саатка чейин сүйлөбөй жүрөт. Анан да бир нерсе болсо эле көз жашы даяр турат. Бирок тамашалап койсом, кайра жазылып кетет. Негизи чоң көйгөй жок, майда-чүйдөдөн эле уруш чыгып кетет", - дейт Жеңиш Майрамбек уулу.

16:05 Жубайлар алып баруучу даярдаган оюнга активдүү катышууда.

16:10 Жеңиш Майрамбек уулу менен жубайы Нурайымдын Түз эфирдеги маеги соңуна чыкты.