Бишкекте өспүрүмдөр арасындагы самбо боюнча мелдеш жыйынтыкталды

Бишкек шаарындагы "Динамо" спорт комплексинде самбо боюнча өспүрүмдөр арасындагы мелдеш өттү. Бул тууралуу Бишкек шаарынын мэриясынын маалымат кызматы билдирди.

Маалыматка ылайык, мелдеште 150дөн ашуун 2006-2008-жылы төрөлгөн өспүрүмдөр катышып байгелүү орундар үчүн күч сынашты.

Мелдештин жыйынтыгында жалпы командалык эсепте 1-орунду Ленин районундагы Балдардын чыгармачылык борбору ээледи. 2-орунда "Динамо" Кыргыз дене тарбия жана спорт коомунун спортчулары жайгашса, 3-орунду Свердлов районунун Олимпиадалык резервдин балдар жана өспүрүмдөр адистештирилген мектебинин тарбиялануучулары жеңип алышты.

Чемпиондордун тизмеси:

23 килограмм салмак ченинде: Исмаил Наврузов ;

26 килограмм салмак ченинде: Абирхан Атабаев;

29 килограмм салмак ченинде: Нурэл Жумалиев;

32 килограмм салмак ченинде: Дастан Исаков;

35 килограмм салмак ченинде: Ильяс Абжалиев;

38 килограмм салмак ченинде: Темирлан Ырыспек уулу;

42 килограмм салмак ченинде: Даниел Сайфутдинов;

46 килограмм салмак ченинде: Бекжан Торокулов;

46 килограммдан жогору салмак ченинде: Артур Пан.

Автор: Нурсултан Нурболот уулу
Фото: Бишкек мэриясы