Маданияттын бир нече кызматкерлери Токтогул Сатылганов атындагы мамлекеттик сыйлыкка ээ болушту

Назира Мамбетова, актриса

Мурат Алиев, оператор

Бакытбек Турдубаев, сценарист

Садык Шер-Нияз

Талант Огобаев, сүрөтчү

Каныбек Жунушев, жазуучу

Маданияттын бир нече кызматкерлери Токтогул Сатылганов атындагы мамлекеттик сыйлыкка ээ болушту. Бул тууралуу өкмөттүн басма сөз кызматы билдирди.

Маалыматка ылайык, бүгүн, 27-февралда Кыргыз Республикасынын премьер-министри Сапар Исаков маданият кызматкерлерине Токтогул Сатылганов атындагы мамлекеттик сыйлыгын тапшырып жатып, аларга чыгармачылык ийгиликтерди каалап өттү.

"Сиздерге сыйлык тапшырып жатканыма сыймыктануудамын. Ар бириңиздер өзүңүздөрдүн эмгегиңиздер, чыгармачылыгыңыздар менен Кыргыз өлкөсүн дүйнөгө таанытып жатасыздар", - деп билдирди Исаков.

Адабият, искусство жана архитектура жаатында сыйлык алгандар:

- Каныбек Жунушев, жазуучу - "Күн чубак" ырлар жыйнагы үчүн;

- Талант Огобаев, сүрөтчү - "Сүйүү космосу" картинасы үчүн;

- Садык Шер-Нияз, режиссёр, сценарист - "Курманжан датка" тарыхый-көркөм тасмасы үчүн;

- Бакытбек Турдубаев, сценарист - "Курманжан датка" тарыхый-көркөм тасмасына жазган сценарийи үчүн;

- Мурат Алиев, оператор - "Курманжан датка" тарыхый-көркөм тасмасы үчүн;

- Назира Мамбетова, актриса - "Курманжан датка" тарыхый-көркөм тасмасындагы ролу үчүн;

- Элина Абай кызы, актриса - "Курманжан датка" тарыхый-көркөм тасмасындагы ролу үчүн;

Сыйлыкка ээ болгон Жогорку Кеңештин депутаты, "Курманжан датка" фильминин режиссёру Садык Шер-Нияздын айтымында, өнөр адамдары үчүн Токтогул Сатылганов атындагы сыйлыктан өткөн бийик даражадагы сыйлык жок.

"Маданият кызматкерлеринин эмгегин баалап, өз убагында көңүл бургандарга ыраазычылык. Кыргыз эли дүйнө жүзүнө башка жагыбыздан тааныла албасак да, өзүбүздүн маданиятыбыз, каада-салтыбыз менен тааныла алабыз. Ал үчүн маданият кызматкерлерине өз убагында көңүл буруп, колдоо көрсөтүп туруу керек", - дейт эл өкүлү.

Автор: Айзада Тураркулова
Фото: Өкмөттүн басма сөз кызматы

15:44 27-02-2018

Жазылуу

РУБРИКАДАГЫ СОҢКУ КАБАРЛАР

10:51 2025-05-10 | Коом жана турмуш

"Ала-Тоо" аянтындагы Жеңиш күнүнө арналган концерт дрон-шоу менен коштолду (видео) 40 0

10:46 2025-05-10 | Түркүн дүйнө

Пакистан Индияга каршы ири масштабдагы аскердик операциясын баштады (видео) 153 0

10:00 2025-05-10 | Коом жана турмуш

Бишкекте Жеңиш күнүнө арналган концертте Дима Билан өзгөчө чыгышы менен элди таң калтырды (видео) 483 0

09:56 2025-05-10 | Саясат

Садыр Жапаровдун Орусияга болгон иш сапары аяктады (видео) 300 0

09:39 2025-05-10 | Кылмыштар, кырсыктар

Ноокаттагы спорттук иш-чара массалык мушташка айланды (видео) 814 0

09:18 2025-05-10 | Коом жана турмуш

Улуу Жеңиштин 80 жылдыгына арналган концерт Орусиядан келген ырчылардын коштоосунда өттү (видео) 380 0

Архив

Комментарийлер (7)

Asat17

2018-02-27 15:53:54

Абай кызы келген эмес го э

Барс

2018-02-27 16:11:30

"КУРМАНЖАН ДАТКА" көркөм тасмасын түзүүчүлөрдүн Токтогул сыйлыгын алышканына кубануу менен куттуктаймын!
Баягы жылы минтип жаздым эле...

"«КУРМАНЖАН ДАТКА» ФИЛЬМИНЕ...

Албаган менен Оскарды,
Ысык – Көл, Нарын, Чүй, Талас,
Жалал – Абад, Баткен, Ошту алды..."

KGstan1981

2018-02-27 16:33:00

Алмаз Шадаев аттуу жаш ырчы "Жаркырасын Кыргызстан" аттуу кооррупционер чиновниктер жон-до сонун клип тартыптыр.Супер Инфо ошол клипти чыгарып коюшунуздарды суранабыз.Калган Атамбаевтик телевидиниялар бул клипти тарттырбай жатат экен.

kirgiz.....

2018-02-27 16:43:27

Маданият кызматкерлеринен куудулдарга да сыйлык берип койсо жакшы болмок.

Jyluusuu1991

2018-02-28 11:14:22

Элина Абай кызынын да сыйлык алып жаткан фотосун чыгарып койбопсуздар да

Rasul94

2018-02-28 12:45:41

ырыс жоомартовага дагы бергиле капа болуп журбосун

Asem89

2018-03-03 23:44:55

Сыйлык ээлерин куттуктайм.Токтогул сыйлыгы эң жогорку сыйлык да.Элинанын ушул жашында бул сыйлыкты алганы таң калууну жаратат экен,балким,чын эле татыктуудур.Мурда бул наамды алыш оңой эмес болчу да...

Комментарий калтыруу үчүн өз ысымыңыз менен кириңиз же каттоодон өтүңүз.