Шавкат Мирзийоев чиновниктерге тойго барууга тыюу салды

Өзбекстандын мамлекет башчысы Шавкат Мирзийоев мамлекеттик жогорку кызматтагыларга тойго барууга тыюу салды. Бул тууралуу Азаттыктын Өзбекстандагы кызматы редакциясына келип түшкөн аудиону негиз кылып жазды.

Маалыматка ылайык, президенттин тойго барууга тыюу салуу жөнүндө айткандары 27-февралда Таншкентте экспорт жана импорт тууралуу өткөн видеоселекторлук жыйында жазылып алынган. Анда мамлекет башчысы чиновниктердин адилет иштөөсү үчүн бардык шарттарды түзгөндүгүн, эми алардан эл үчүн таза иштөөнү талап кылган убакыт келгенин айткан.

"Эртең бул боюнча токтом чыгат. Министрлерге, акимдерге, аткаруу бийлигинин өкүлдөрүнө той-салтанаттарга барууга тыюу салынат. Эгерде кайсы бир мамлекеттик кызматкердин унаасын чайканалардын алдынан көрүп кала турган болсом, ошол эле күнү аны жумуштан бошотом жана жазалайм", - деген Мирзийоев.

Анын айтымында, коррупцияны жок кылуу максатында чоң тойлорду өткөрүүгө жана ага мамлекеттик чиновниктердин баруусуна тыюу салууга аргасыз болгон. Ошондой эле ал той өткөрүү калктын бардык катмарына жана жалпы чиновниктер арасына кенен жайылып, калкка туура эмес таасирин тийгизгенин белгилеген.

"Мен баш болуп бир да чиновник тойго, туулган күнгө барбайт. Ал убакыттар өтүп кетти. Мунун баары элдин кыжырын келтирип, ачуусуна тийип жатат. Эми той, салтанаттар жогорку кызматтагы адамдардын катышуусуз эле өтөт. Премьер-министр бардык жардамчылары менен тойго барат, ал жердегилердин баары туруп турат...Сен ошол тойго коротулган 20 килограмм эттин ордуна кедей-кембагалдарга жардам берип, үйүн оңдоп бер, телевизор сатып бер", - деген Мирзийоев өз сөзүндө.

Президент айткан жаңы токтомго ылайык, эми Өзбекстанда тойдо берилүүчү эртең мененки палоого тыюу салынат, той салтанаттарынын убактысы түшкө жылдырылат.

"110-120 адам. Болду. Эң көп дегенде 150 кишини чакырууга болот, ал дагы атайын комиссиянын уруксаты менен болушу керек. Башка той болбойт. Эч жерде. Үйлөнүү үлпөтүндө жалаң гана жаштар сейилдесе жакшы болмок. Мен мындай токтом чыгарууга аргасыз болдум. Үйлөнүү үлпөттөрү саат 13:00дөн 14:00гө чейин гана өткөрүлөт", - деп айткан Өзбек президенти.

Өзбекстанда аш-тойлордогу ысырапкорчулукка чектөө киргизиле баштайт

Автор: Кызжибек Раимова

17:30 05-03-2018

Жазылуу

РУБРИКАДАГЫ СОҢКУ КАБАРЛАР

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 63 0

16:40 2025-05-01 | Коом жана турмуш

Абитуриентке ЭКИ сөз: Кайсы кесиптерге суроо-талап жогору болууда? 1542 0

16:07 2025-05-01 | Маданият, шоу-бизнес

Ырчы Ильяз Андаш уулдуу болду (видео) 225 0

15:45 2025-05-01 | Коом жана турмуш

Бишкекте бүгүндөн тарта фонтандар иштей баштады 218 0

15:10 2025-05-01 | Супер-Инфо

Кадыр Жарматов, шоумен: «Кара дуба, сыйкыр бар экенине ишендим» 195 0

15:09 2025-05-01 | Коом жана турмуш

Бишкектеги вокзалда "маршрутка" таппай кыйналган элдин видеосу тарады 812 0

Архив

Комментарийлер (36)

Jelezo

2018-03-05 14:02:10

Биздикилер кетерман катындай болуп кунун санап журуп алты жылды откозуп жиберет

+21

nukura_jigit

2018-03-05 14:07:07

Бизде тойдк андай откоро турган болсо артисттер ачка калат ко

+13

MUHLISA

2018-03-05 14:19:43

Бизде бири бирине баш ийүү деген жок. Башчы мыйзам кабыл ала берет, бул жактагылар тетирисин жасай беришет.

AKCAHAT

2018-03-05 14:43:29

Эгер ушул сымал мыйзамдары иш жузундо орундалса Озбекстан алдынкы 10жылдыкта Казакстандан озуп Борбордук Азиянын эн онуккон олкосуно айлана алат. Булардын парламенттик сессиясын корсонор тан каласын "чукк" эткен ашыкча дабыш жок, тантыраган ойду тоону суйлогон бир да депутат жок ажылдаган катындар жок Карамушкина сыяктуу отугун торго илген башка улуттун окулу жок. Жаш баладай урушат экен президент.

+14

temirov76

2018-03-05 15:52:23

AKCAHAT,президент ошол үчүн президент да,бир адам жоопкерчиликти алуу керек,жогорку жакты коюп өзүңдүн үй бүлөңдү эле алчы тартип болбосо үйбүлөң эмне болот.

lenovo820

2018-03-05 17:24:13

Дуйнодогу 10 таасирдуу лидерлердин катарына киргенго шавкат ака

mentol

2018-03-06 01:36:57

lenovo820, Шавкат акам деп албапсында биротоло

Kubinis

2018-03-05 17:58:10

Бизде да ушундай козомол керек, Байкуш канчалаган мага окшош бойдоктор Орусияда 1 кундук той учун иштеп журушот

zheko

2018-03-05 18:00:50

Кыргыздан мындай эр азамат чыкпайт эми , чыкса дагы бийликке жетпейт , жеткиришпейт.

lunaTik1

2018-03-05 18:02:13

Мен кокустан аудиосун угуп калдым эле. Толук тушунбодум го бирок Ташкентте 4 кызы бар адам озун асып олгону жакшы дегенин тушундум да. Буларда отоле ашыкча, айрыкча кыз тарапка аябай кыйын. Бизде да ушундай чеги менен болсо жакшы болмок. Кудайга шугур азыр эми копчулук эле тушунуп калды.

Ramis.Ramis.kg

2018-03-05 18:13:24

Кыргызстанда жашоо жакшы кудайга шугур былтыр Намангандан торт Озбек алып чыгып уй салдырдым жашоолору ото эле оор экен айтып отурушса бизде кыймылдасан сонун жашасан болот аракетке берекет

take_1212

2018-03-05 20:15:04

Баракелде.

Asyl.jazi

2018-03-05 23:10:13

Ушундай мыйзамдарды кыргызчага которгула, мыйзамга киргизгиле, кайдагы батыштын мыйзамын которуп, колдоп өзүбүздүн мыйзамга киргизүүнүн аракетин жасабай!

Asyl.jazi

2018-03-05 23:10:38

Ысырапкорчулук Кудайга дагы жакпайт!

moskoy

2018-03-06 00:36:52

Москвада посольстводогуларга ушул законду киргизиш керек ,себеби алар жумасына жети кун тойлойт.

Ferdews

2018-03-06 02:29:06

Шакирти устатынан отуптур болуптур,молодец

-2

aiman1983

2018-03-06 08:14:05

Бизге да Шавкаттай элди ойлогон башчы бере кор, Кудайым.

Комментарий калтыруу үчүн өз ысымыңыз менен кириңиз же каттоодон өтүңүз.