Асылбек Өзүбеков кыргыз улуттук академиялык драма театрына жетекчи болуп дайындалды

Токтоболот Абдумомунов атындагы улуттук академиялык драма театрынын жетекчиси болуп актёр, обончу, аткаруучу Асылбек Өзүбеков дайындалды. Бул туурасында Маданият, маалымат жана туризм министрлигинен билдиришти.

Театрдын жаңы жетекчиси Асылбек Өзүбеков: "Мындан бир жыл мурун улуттук академиялык драма театрынын жетекчилигине сынак жарыяланганда келип катышкам. Көрүүчүлөрдү кантип театрга тартыш керектигин, репертуар боюнча, театрдын ички, сырткы маселелери жана жалпы эле актёрлордун турмушу тууралуу оюмду айткам. Анан Назым Мендебаиров жетекчи болгон эле. Назым көркөм жетекчиликке өтөм дегенинен Маданият, маалымат жана туризм министрлигине келип кайрадан кайрылып, 1 жылдык келишим менен жетекчи болуп дайындалдым. Менде тажрыйба мол, алгылыктуу иштерди жасоого аракет кылам. Андан сырткары режиссёрлор роль беришсе, образ жаратканга да жетишем деп турам. Кыскасы бүт күчүмдү, дитимди, убактымды жумушка арнайм", - дейт.

Асылбек Өзүбеков 1958-жылы 1-мартта Ысык-Көл облусуна караштуу Тору-Айгыр айылында туулган. Орто мектепти 1975-жылы аталган айылдан аяктап, ошол эле жылы Ташкенттеги Островский атындагы театр жана сүрөт өнөрү институтунун "Драма жана кино актёру" факультетинин кыргыз студиясына тапшырып, 1979-жылы бүтүргөн.

1979-жылдан 1990-жылга чейин Кыргыз мамлекеттик академиялык драма театрында актёр болуп эмгектенген.

1990-2013-жылдары Кыргыз эл артисти Жамал Сейдакматова жетектеген "Туңгуч" театрында иштеген.

2013-жылдан бүгүнкү күнгө чейин Бакен Кыдыкеева атындагы Кыргыз мамлекеттик жаш көрүүчүлөр театрында эмгектенип келген.

Асылбек Өзүбековдун обондуу ырлары "Өмүр", "Арман, ай", "Гүлдөй жан", "Алтын шакек", "Фаридам", "Кош жылдыз" жана башкалар. Ошондой эле "Боз салкын", "Апамдын махабаты", "Күлкүлятор" тасмаларына тартылган.

Айта кетсек, буга чейин Токтоболот Абдумомунов атындагы улуттук академиялык драма театрын жетектеген Назым Мендебаиров аталган театрдын көркөм жетекчиси болуп дайындалды.

Автор: Сүйүн Кулматова

13:09 05-03-2018

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 987 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 683 0

16:22 2025-05-09 | Супер-Инфо

Геморрой жана анын түрлөрү 693 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 2014 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 758 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1356 0

Архив

Комментарийлер (13)

zhykyo

2018-03-05 13:24:16

Иштениз

Dembele84

2018-03-05 13:26:06

Иштей турган киши,ийгилик сизге!

aydinnur

2018-03-05 13:40:24

Татыктуу инсан!!

Sagizgan

2018-03-05 13:54:56

Сыйлаймда ушу байкени.Ийгилик ишинизге!

nurbekasr

2018-03-05 14:08:16

Ушул киши Асылбек ака иштей турган киши да,адамдын ак иштей турганы сыртынан эле билинет.Куттуктайым Асылбек ака жаңы иш орундугуңуз менен.

Nukeww

2018-03-05 14:16:24

"Лото чал" "күлкүлятор" бир го

Freemankg

2018-03-05 14:21:56

Жакшы жанылык ! Ишиңизге ийгилик!

Valley.of.the.Wolves

2018-03-05 15:06:34

Ишинизге ийгилик!!!

bekush

2018-03-05 15:26:33

Сонун жанылык!

aiman1983

2018-03-05 16:22:21

Вай, вай мен куйуп барам, мен орттонуп барам. Азамат. Достойное место для достойного человека. Биринчи жолу жетекчини туура тандашыптыр. Асылбек аганы куттуктайбыз.

zhaku2017

2018-03-05 18:43:57

Ушул адамга тазим кылам. Искуствого кошкон эмгеги абдан коп. Негизи искуство адамдары жан дуйносу таза болот. Адамдардын жан дуйносун искуство тазалайт. Искуствого мамлекет конул болуш керек.

nazgul1905

2018-03-06 02:26:44

Эн биринчи туура тандалган кубанычтуу жанылык!!! Ийгиликтерди жарата бериниз Асылбек байке!!!

Ferdews

2018-03-06 02:33:05

Эн соонун жанылык!!!

Комментарий калтыруу үчүн өз ысымыңыз менен кириңиз же каттоодон өтүңүз.