ЖЫЛНААМА, 9-МАРТ: Ага лейтенанттан дароо майорго көтөрүлгөн туңгуч космонавт Юрий Гагарин көзү тирүү болгондо 84 жашка чыкмак

Туңгуч космонавт Юрий Гагарин Смоленск облусунун Гжатск районунун Клушино деген айылында 1934-жылы 9-мартта туулган. 1951-жылы Люберцы шаарында кесипттик окуу жайын,1955-жылы Саратов курулуш техникумун аяктаган. Андан соң Чкалов атындагы аскер авиациялык окуу жайында окуган. Кийин Кызыл Туулуу Түндүк флотунун авиациялык бөлүктөрүндө кызмат кылган.

Тайманбас, таланттуу учкуч катары 1960-жылы космонавттар отрядына кабыл алынат. Юрий Гагарин 1961-жылы космодромго келип, ракетаны ааламга алып чыгуучу жабдуулар жана "Восток" космос корабли жасалган космодромдо толук сыноодон өтөт.

Башкы констуктор Сергей Павлович Королёв учууну 12-апрелде (Москва убактысы боюнча 9 саат 7 минутада) бекитүү жөнүндө мамлекеттик комиссиядан өтүнгөн. Комиссия "Восток" космос кораблинде биринчи болуп ага лейтенант Юрий Гагарин уча турганын жарыялаган. Космоско чыкканына 108 мүнөт болгондо космос корабли алдын ала болжонгон Сталинграддан 110 километр алыстыкта жайгашкан жерге конбостон, Саратов облусунда авариялык режимде конгон. Адамзатынан алгачкы космоско учуп барып келген адамды токойчунун Анна Акимова аттуу жубайы жана анын 6 жаштагы небереси тосуп алышкан. Ошентип ал күнү Юрий Гагарин космоско учуп, туңгуч космонавт катары адамзат тарыхында калган.

Космоско алгачкы жолу учкан адамдын атынан жаңы төрөлгөн наристелер аталып, мырзалар арасында учкучтукуна окшогон чач жасалгалар мода боло баштаган.

Космоско учуп барып келген күнү эле Сергей Хрушёвдун талабы менен ага лейтенант Гагаринге майор наамы ыйгарылган.

Космоско учуп барып келгенден кийин Гагарин дүйнөдөгү эң популярдуу адамдардын бирине айланган. 1961-жылы июль айында ал Англиянын ханышасы менен жолугуп, хан сарайдагыларды өзүнүн жөнөкөйлүгү жана бетке айткан мүнөзү менен суктандырган. Мындан сырткары учкуч көптөгөн өлкө башчылары жана саясатчылар менен жолуккан. Фидель Кастро жана Юрий Гагарин

Гагарин Кыргыз жергесине дагы келип эс алып кеткен. Ал Ысык-Көл облусунда жайгашкан Тамга жана Барскоон аймактарынын кооздугун айтып суктанган.

1968-жылы 27-мартта Гагарин окуу учурунда авиациялык аварияда каза болгон.

9-марттын жылнаамасы.

Автор: Айзада Тураркулова

16:27 09-03-2018

Жазылуу

РУБРИКАДАГЫ СОҢКУ КАБАРЛАР

14:04 2025-07-04 | Түркүн дүйнө

Казакстандын Дин башкармалыгы бийликтин никабга тыюу салуу чечимин колдой турганын билдирди 2 0

13:41 2025-07-04 | Коом жана турмуш

Нарын облусунун башчысы Дөбөлү айыл өкмөтүнө барып, кызматкерлерди таппай калды (видео) 271 1

13:20 2025-07-04 | Коом жана турмуш

Эл аралык байланыш оператору “ЭлКат” ЖЧКсы мамлекеттин менчигине өттү 134 0

12:59 2025-07-04 | Коом жана турмуш

Чүй облусунда ата-энесинен ажыраган балдарга жер тилкелери берилди 180 0

12:52 2025-07-04 | Түркүн дүйнө

1 миллионго жакын. Өзбекстанда кыргызстандык туристтеринин саны өстү 400 0

12:28 2025-07-04 | Түркүн дүйнө

Москвада азербайжандык крим авторитет Вагиф Сулейманов кармалды 946 0

Архив

Комментарийлер (3)

jbolotov

2018-03-09 19:08:53

Бул адамго биринчи жолу тобокел кылып космоско биринчи аман эсен барып келген. Бизде катчыдан дароо эле Ген.прокурор болгондор бар, катардагыдан дароо Министр МВД болгондор бар, бир жылда Генерал болгондор бар. Бул жагынан Кыргызстан биринчи орунда баратат, онугуп )

gulya583

2018-03-09 20:51:36

Шофёрдон президенттин кенешчиси болуп которулгондор бар Кыргызстанда

adi.ali94

2018-03-10 04:05:13

gulya583,эң туура маалыматтар!!!

Комментарий калтыруу үчүн өз ысымыңыз менен кириңиз же каттоодон өтүңүз.