Рак илдетинен улам бир көзүнөн, бетинин бир бөлүгүнөн ажыраган Баатыр Баназаровго биринчи операция ийгиликтүү жасалды

Рак илдетинен улам жаагынын бир жак бөлүгүнөн, бир көзүнөн айрылган Баатыр Баназаровго Индиянын Бангалор шаарындагы клиникада 1-операция ийгиликтүү жасалды. Бул тууралуу маалыматты SUPER.KG'ге бейтапты Индияга коштоп кеткен дарыгер Азамат Кошалиев билдирди.

Анын айтымында, бул операция Баназаровду дарылоонун алгачкы этабына кирет. Анда бейтапка криотерапия жүргүзүлгөн.

"Криотерапия деген бул рак клеткаларын тоңдуруу жолу менен бейтапты дарылоо. Операция жасалыптыр десе эле Баатыр аганын бети жамалып калыптыр деп түшүнбөш керек. Адегенде анын терисиндеги рак клеткаларын өлтүрүп, терини жеп кете бергенин токтотуу зарыл. Ошого биринчи процедура жүргүзүлдү. Албетте, көп жыл ооруп жүргөн адамдын иммунитети алсыз болуп калган, буга байланыштуу аны алгач операцияга даярдоо иштери жүргүзүлгөн", - деди Кошалиев.

Ошондой эле ал Баатыр Баназаровдун операцияны жакшы көтөргөнүн, учурда оорусу басылып, көңүлү ачылып калганын кошумчалады.

"Бетине криотерапия жасалгандан кийин биз кайрадан анализ тапшырдык. Эгерде рак клеткалары толугу менен тоңдурулуп өлбөгөн болсо кайрадан криотерапияга кошулуп химиятерапия жасалат. Качан гана рак клеткалары терини жегенди толугу менен токтоткондо, анын бетин жамоо ойлонуштурулат. Бирок бул абдан татаал операция, ал үчүн өзүнүн сан этинен кесилип алынат да жаагына салынат. Мындай операцияны көтөрүү үчүн адамдын организми ага даяр болуш керек. Андыктан биз Баатыр байкени бул жерде даярдасак көп убакыт кетет, өзүңүздөр билгендей чет элде 1 күн жүрүү да көп чыгымды талап кылат. Албетте, жердештер жардам берип, үйүндө жашап жатабыз. Бирок көпкө созуу ыңгайсыз. Ошондуктан мен Баатыр аганын ушул операциясынын жыйынтыгын билип, клеткалар толугу менен тоңгон болсо, балким, пластикалык операцияга даярдоону Кыргыз жеринде улантабыз жана ошол жактан эле жасоонун жолдорун караштырабыз деп ойлоп жатам", - деп кошумчалады дарыгер.

Ошондой эле ал 12 жылдан бери рак илдети менен күрөшүп келе жаткан Баатыр Баназаровду эрки күчтүү, чыдамдуу адам деп сыпаттады. Операция 4 саатка созулуп, 1 күндөн кийин ал жандандыруу бөлүмүнөн палатага которулган. Баатыр Баназаровду чет элдеги эң мыкты делген клиникада дарылоо үчүн буга чейин элден 9 миң 300 доллар каражат топтолгон. Учурда ал каражат ушуга чейин жүргүзүлгөн медициналык процесстерге жумшалган. Алдыда бейтапка жасалуучу эң жоопкерчиликтүү операциялар бар жана каражат топтоо улантылып жатат.

Ага жардам берүүнү каалагандар үчүн Баатыр Баназаровдун апасы Саткын Баназарованын байланыш номери 0773 679 822, Элсом 0700 265 295 Нурсултан Батыралиев.

Автор: Кызжибек Раимова
Фото: Азамат Кошалиев

14:06 10-03-2018

Жазылуу

РУБРИКАДАГЫ СОҢКУ КАБАРЛАР

08:00 2025-07-02 | Коом жана турмуш

Бүгүнкү күнгө карата аба ырайы 10 0

07:55 2025-07-02 | Түркүн дүйнө

Трамп: Израил Газа тилкесинде 60 күндүк ок атышууну токтотуу шарттарына макул болду 37 0

02:41 2025-07-02 | Коом жана турмуш

Кеч жарыяланган видео... Ташиевдин Нарындагы жыйынынан жеме уккан, кеңеш алган жетекчилер 615 0

01:54 2025-07-02 | Түркүн дүйнө

Ийри чуркоо... Трамп кармоочу жайдан качууну көздөгөн мигранттарга кеңеш берди (видео) 626 0

01:23 2025-07-02 | Түркүн дүйнө

Путин менен Макрон 3 жылдан соң телефон аркылуу сүйлөшүү өткөрүштү 546 0

01:13 2025-07-02 | Түркүн дүйнө

Трамп Илон Маскты депортациялоону караштырарын айтты 973 0

Архив

Комментарийлер (16)

raikakyz

2018-03-10 14:11:00

Ылайым Алла насип кылып оор сыноодон чыгып кетсинчи.Алла шыпаасын берсин.Коштоп жургон азаматка Алла раазы болсун!

+20

kalpak.kg92

2018-03-10 14:14:07

Алла жардам берсин ...эртерек толук сакайып кетсин омиин.

+12

kansuluu

2018-03-10 15:12:38

kalpak.kg92,кудайга шек келтирбениз,кудайдын каарынан коркунуз!Баатырга кудайым уззун омур берсин!кудай деген кур калбайт!

Mirlan27011987

2018-03-10 15:33:48

kansuluu,
Динчилдер тушуно ишенет.

-10

kansuluu

2018-03-10 16:12:01

Mirlan27011987,Мен динчил деле эмесмин,болгону кудайдын бар экенине ишенуу керек.Сиз каапыр окшойсуз,дин тандоодон адашыпсыз!

Refiri87

2018-03-10 21:56:27

Mirlan27011987,ичин куйсо Бир жериндди туруп олтурат сага орун жок

Refiri87

2018-03-10 21:59:01

Refiri87,олтура Бер дегеним

-1

MAB88

2018-03-10 14:28:01

Индияда кучтуу врачтар коп дешет. Ал жактан келгендер Кыргызстандан эле медициналык билим алып кетишет. Азыркы убакта деле индус студенттери коп го. Бул жактан ошончолук денгээлде билимди берип, анан кантип ошолор жасаган операцияны жасай алышпай.

Mirlan27011987

2018-03-10 14:37:38

Жакшы. Индиялык врачтарга рахмат. Булар болбосо ким кылат эле. Индияда медицина илими абдан онуктуу. Бизде да онуктурсо жакшы болмок. Канчалаган адамдар Индия, Европа олколоруно кетип жатышат. Билимди онуктуруш керек. Билимдуу эл гана алдыга осот.

taimanbas

2018-03-10 14:39:37

бизде медицина окуу жайы күчтүү медиктер күчтүү бирок колдоо жок техника приборлор жок ошондуктан чет жакта жасаган операцияларды бизде жасай албайт эгер техника приборлор болсо биздин врачтарда жасай алышат

Ma9

2018-03-10 14:48:38

коштоп барган адамга алла куч кубат берсин ооруган адамды караш озу кыйын рахмат сага мекендешибиз батырак айыгып кетсин эч Ким оорубасынчы

+10

Azat.97

2018-03-10 15:21:19

Ma9,Мен да айтайын дедим эле коштоп барган байкеге чооон рахмат!Ар дайым бар болунуз.Сиздей байкелерибиз менен сыймыктанып улгу алабыз.Ал эми Баатыр байкебизге кудайым куч кубат берсин.Сакайып кетиниз.

nurbek1995

2018-03-10 15:20:14

ADMINМосквада ким чогултуп жатат

Aima94

2018-03-10 15:43:19

Айыгып кетсин. Аллах ден соолук берсин. Индустар бишкектен билим алат го. Кыргызстандын алы жетпейт оборудование алганы. Күчтүү врачтар көп го операция жасаганы кудурети жетет оборудование албай өмүр бою жүрө берели темселеп

warrior96

2018-03-10 16:05:58

Жакшы жанылык

kutman-kg94

2018-03-10 17:50:03

Шыпасын берсин

Комментарий калтыруу үчүн өз ысымыңыз менен кириңиз же каттоодон өтүңүз.