Казармандагы алтын иштетүүчү комбинаттын иши чечилбей жатканына нааразы болгон эл кайрадан митингге чыгышты

Тогуз-Торо районунун тургундары “Макмалалтынкен” комбинатынын жанындагы башкы подрядчик “Мега Курулуш” ЖЧКсы тарабынан жаңы курулуп жаткан “ДжиЭл Макмал Девелопинг” алтынды кайрадан иштетүүчү комбинатынын курулушуна каршы нааразылык билдирип кайрадан митингге чыгышты. Бул тууралуу SUPER.KG порталына бүгүн, 10-мартта митингдин уюштуруучуларынын бири билдирди.

"Ушуну менен 5-ирет нааразычылык билдирип чыгып жатабыз. 7-февралда митингге чыкканыбызда "курулуш убактылуу токтотулсун" деген чечим чыккан. Ал чечим аткарылбагандыктан жергиликтүү эл 1-мартта ишкананын курулуш ишин токтотууга кайра талап койгонбуз. Облустук, райондук, жергиликтүү бийликтен эч кандай реакция болбогондуктан райондун эли 11 адамдан турган демилгелүү топ түзүп, республикалык деңгээлдеги тийиштүү мекемелерге кайрылгыла деп борборго жөнөткөнбүз. 11 делегаттын ичинен 6 адамды президенттик аппараттын жетекчисинин орун басары Мухаммедкалый Абылгазиев кабыл алып, нааразычылыкты уккан соң тийиштүү мекеме жетекчилерине ишти тапшырган. Ошол жетекчилер бүгүн Тогуз-Торого келип түшүндүрүү иштерин жүргүзүүгө аракет кылышты, бирок эл ага ынанган жок. Алар мекемелер аралык комиссия түзүлүп, зыяндуулугу аныкталса токтотулат деп айтышты. Бирок ал комиссия качан түзүлүп, ишин качан жыйынтыктап, элге толук маалымат качан берилерин айткан жок. Элдин "комбинат элге зыян, токтотулсун" деген гана талабы бар", - дейт митингдин уюштуруучулардын бири.

Эске салсак, Тогуз-Торо районунун тургундары салынып жаткан алтын ылгоочу комбинаттын курулушу токтотулуусун талап кылып, элге зыяндуулугун белгилеп 2 айдан бери бир нече жолу митингге чыгышкан.

Автор: Бекболсун Молдояр уулу

15:41 10-03-2018

Жазылуу

РУБРИКАДАГЫ СОҢКУ КАБАРЛАР

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 58 0

19:14 2025-07-04 | Түркүн дүйнө

Голливуд актёру Майкл Мэдсен каза болду 291 0

18:53 2025-07-04 | Коом жана турмуш

Маданият министрлиги актёр Бакыт Мукулдун кайрылуусуна жооп берди 501 0

18:05 2025-07-04 | Коом жана турмуш

Азербайжандын ЖОЖдоруна документтерди тапшыруу мөөнөтү узартылды 214 0

17:53 2025-07-04 | Супер-Инфо

Азамат Отунчиев, обончу: “Сахнага 6 жашымда Чубак Сатаев алып чыккан” 156 0

17:03 2025-07-04 | Супер-Инфо

Бакай Шүкүров: “Аттан корккон балдар көбөйдү, кыргыз уулу мындай болбошу керек” 158 0

Архив

Комментарийлер (3)

Ermekbai

2018-03-10 16:07:45

Элге пайдасы тийбеген байлыкты ачпаганыбыз оң. Эртең мамлекетибиз өнүгүп кетсе өзүбүз ачып өзүбүз пайдалансак жакшы болот. Азыр Кытай АКШ казып бизге пайдасынан зыяны көп болуп жатат. Канча адам өлүп кетти канчасы камалды.....

Kosmos2013

2018-03-10 18:43:25

Жабылсын комбинат!Макмалдын 32жылдан бери чыгарган уусу жетишет Казарманга!!!

marik10

2018-03-12 22:38:06

негизи башынан эле туура иштетишсе мындай абал болмок эмес, кыргызча жарайт деп жазай беришкенда

Комментарий калтыруу үчүн өз ысымыңыз менен кириңиз же каттоодон өтүңүз.