"Ак Үйдү көчүрүүгө каралган" делген жерде курулуш жүргүзүп жаткан компания депутаттын сөзүнө жооп кайтарды

Бүгүн, 12-мартта "Ихлас" курулуш компаниясы депутаттардын Бишкекте Ак Үйдү көчүрүүгө каралган жерде курулуш башталганы боюнча айткан сөздөрүнө жооп кайтарды. Компания жер тилкеси мыйзамдуу жол менен алынып, курулуш мыйзам чегинде жүрүп жатканын SUPER.KG порталына билдирди.

"Кантип эле жер ээси болгон Бишкек мэриясы, Курулуш жана ахитектура агенттиги баш болгон, бир нече курулушка уруксат берүүчү органдар жөн эле мыйзамсыз берип коюшсун. Тактап айтсак, ал жер 5 гектар эмес 2,868 гектар. Биз ал жерге мыйзамдын жана курулушка тиешелүү бардык эрежелердин, уруксат кагаздарынын негизинде ээ болгонбуз. Бул жер 2017-жылдын 27-сентябрында бекитилип, Бишкек шаарынын 2025 жылга чейинки Башкы планында көп кабаттуу турак жайды куруу үчүн каралган.

Жогоруда аталган жер тилкеси тоорукка коюлганы “Эркин Тоо” гезитине 2017-жылы 3-октябрда №107 (2832) санында жарыяланган. Бул иш-чара Бишкек шаарынын жерлерге укук берүү комиссиясынын бекитилген планынын негизинде өткөрүлгөн. 2,868 гектар жер тилкесинин максаттуу багыты – социалдык-маданий жана күндөлүк объектилери менен көп кабаттуу турак жайды долборлоо жана куруу үчүн каралган.

Анын негизинде, жер тилкесине көп кабаттуу турак жайды куруу максатында тийиштүү документтер даярдалган. Башкы план, инженердик жана техникалык шарттар, архитектуралык пландоо боюнча мамлекеттик экспертизалар алынган. Анын негизинде тиешелүү мамлекеттик органдар аркылуу курулуш иштерин жүргүзүүгө уруксат кагазы 2018-жылдын 26-январында алынган", - деп айтылат "Ихлас" компаниясынын жообунда.

Белгилей кетсек, 7-мартта Жогорку Кеңештин жыйынында "Республика-Ата Журт" фракциясынан депутат Таабалды Тиллаев "Бишкектин четиндеги 5 гектар жер курчалып, белгисиз курулуш башталды" деп айткан болчу. Ошол эле учурда анын фракциялашы Мирлан Жээнчороев аталган участок убагында Ак Үйдү көчүрүүгө каралган тилке экенин билдирген.

Автор: Мунарбек Жоргомов

18:03 12-03-2018

Жазылуу

РУБРИКАДАГЫ СОҢКУ КАБАРЛАР

09:54 2025-07-04 | Түркүн дүйнө

Орусия дүйнөдө биринчи болуп Ооганстандагы Ислам Эмиратын расмий тааныды 79 0

09:27 2025-07-04 | Түркүн дүйнө

Сауд Арабияга АКШ өндүргөн алгачкы THAAD абадан коргонуу системасы орнотулду 211 0

09:03 2025-07-04 | Кылмыштар, кырсыктар

Бишкектеги мейманканалардын биринде кыздар сабалды (видео) 720 0

09:02 2025-07-04 | Коом жана турмуш

Дүйнөлүк валюталардын сомго карата учурдагы наркы 228 0

08:52 2025-07-04 | Супер-Инфо

Иса Өмүркулов, ырчы: «Сахнага кайтам, эми кетпейм, буюрса» 151 0

23:41 2025-07-03 | Түркүн дүйнө

Парижде Макрондун жубайынын айланасындагы имиштерге байланышы бар хирургдун сөөгү табылды 3231 0

Архив

Комментарийлер (4)

R_u_S

2018-03-12 18:06:49

Ак үйдү Зардалыга көчүпүп салыш керек))

+13

marat88

2018-03-12 18:10:00

Сатып жепжиберишкен экенда акылдуулар.

Arlenchik

2018-03-12 19:16:57

Кайран албек сатып ийген экен, бир убакта омуркулов далай жерлерди сатып жыргадыле, эми мунусу жайлап аткан экен, ушуларды жегенин бир чыгарып, жоопко тартчу башчы келер бекен, болбосо далай жерлерди сатышты, ата-турк паркы четинен кыркылып эле жеке турак жайларга айланып атат, анын кесепети жаратылышка терс таасирин тийгизип атат, бир бак кырксан ордуна уч бак отургуз дечуле, буларын болсо жайлап бутмой болду, жегичтерди четинен сыгыш керек!

aydinnur

2018-03-13 01:32:27

Жантөрө Сатыбалдиевдин колу көрүнөт ал жерде эми..

Комментарий калтыруу үчүн өз ысымыңыз менен кириңиз же каттоодон өтүңүз.