АКШда зомбулуктан жана куралдан каза тапкан балдардын элесине арналган акция өтүп, 7 миң түгөй бут кийим тизилди

Америка Кошмо штаттарынын Конгресси жайгашкан имараттын алдында 7 миң түгөй бут кийим тизилип зомбулуктан жана куралдан каза тапкан балдардын элесине арналган акция өттү. Бул тууралуу чет элдик басылмалар жазып чыгышты.

Маалыматка ылайык, акция кечээ, 13-мартта Америка Кошмо штаттарынын Конгресси жайгашкан имараттын алдында өткөн. Ал зомбулуктан жана куралдан каза тапкан балдардын элесине арналган. Акциянын жүрүшүндө имараттын алдына 7 миң түгөй бут кийим тизилип, акциянын катышуучулары "Конгрессти куралдуу зомбулук менен бетме-бет чыгарып жатабыз" деген пикирлерди айтышкан.

Ошондой эле аталган маалыматта бут кийимдер калоочулар тарабынан чогултулганын, эми алар кайрымдуулук иштерге колдонулары айтылат.

Автор: Кенжебай Сатканалиев