Жогорку Кеңеште ЖМКларды каттоо тууралуу мыйзам долбоору жактырылды

Бүгүн, 14-мартта Жогорку Кеӊеште жалпыга маалымдоо каражаттарын мамлекеттик каттоого алуунун жол-жоболорун жөнөкөйлөштүрүүгө багытталган мыйзам долбоору жактырылды.

Мыйзам долбоорунда ЖМКларды каттоо мөөнөтүн азыркы 1 айлык мөөнөттөн 10 күнгө чейин кыскартуу сунушталууда. Ошондой эле аларды каттоодон өткөрүү үчүн талап кылынган документтердин саны кыйла кыскартылмакчы.

Андан тышкары, жалпыга маалымдоо каражаттарын каттоо критерийлери өкмөт тарабынан аныкталат.

"Макул" деп 98 депутат, "каршы" деп 11 депутат добуш берди.

Автор: Жылдыз Джускембаева