Депутат Момбеков Бишкекте "Коопсуз шаар" долбоорун 10 миллион долларга ишке киргизүүгө мүмкүн экенин айтты

Бүгүн, 15-марттагы Жогорку Кеңештин жыйынында КСДП фракциясынан депутат Рыскелди Момбеков өкмөттүн "Коопсуз шаар" долбоору боюнча маселесине кайрылды.

Эл өкүлү "Коопсуз шаар" долбоорун 10 миллион долларга мамлекеттик ишканалар аркылуу ишке ашырса боло турганын айтты.

"Коопсуз шаар" долбоору "Акылдуу шаарга" алмаштырылган. Бир ай мурун кол коюлуп, кечээ өкмөт кайрадан бул келишимден чыкты. Комитет жыйынында "Коопсуз шаар" долбоору каралган. Ошондо биз өкмөткө сунуш бергенбиз "Кыргызтелекомдун" базасында "Коопсуз шаарды" ишке киргизгенге 10 миллион доллар кетет" дегенбиз. Ошол кездеги "Кыргызтелекомдун" жетекчисинин сөзү менен экс-президент Алмазбек Атамбаев "Кыргызтелеком" аркылуу долбоорду ишке ашырса болот" деп айткан. Президент Сооронбай Жээнбековдун да тапшырмасы турат. Орусиянын бир жарым миллион калкы бар Саратов шаарында "Коопсуз шаарды" 10 миллион долларга киргизген", - деди Момбеков.

Депутат өкмөттүн кадр саясатына да нааразычылыгын айтты.

"Биз мамлекеттик маанидеги документтерди, улуттук валютаны, улуттук баалуу кагаздардын баарын өлкөнүн ичинде чыгарам деген идея менен иштеп жаткан Дастан Догоевди кызматтан кетирип, ага каршы иштеген, мамлекеттик документтердин баарын тендерге чыгарган Алина Шаикованы алып келдик. Кандай түшүнсө болот?" - деди Момбеков.

Белгилей кетсек, Алина Шаикова мурда ээлеген кызматынан бошотулуп, 14-февралда Мамлекеттик каттоо кызматынын төрайымы болуп дайындалган. Ага чейин аталган кызматтын төрагасы Дастан Догоев жумуштан кетүү тууралуу арыз жазып, кызматынан бошотулган.

Автор: Мунарбек Жоргомов

11:20 15-03-2018

Жазылуу

РУБРИКАДАГЫ СОҢКУ КАБАРЛАР

23:41 2025-07-03 | Түркүн дүйнө

Парижде Макрондун жубайынын айланасындагы имиштерге байланышы бар хирургдун сөөгү табылды 1696 0

22:54 2025-07-03 | Түркүн дүйнө

Грециянын Крит аралында ири өрт чыкты 291 0

22:21 2025-07-03 | Коом жана турмуш

Чоң-Кеминде 1 тоннадан ашык кара куурай жок кылынды (видео) 287 0

21:47 2025-07-03 | Коом жана турмуш

89 жыл мурун МАИ кызматкерлери кандай унаалар менен кызмат өтөгөн? (видео) 1009 0

21:07 2025-07-03 | Түркүн дүйнө

Пашинянга импичмент жарыялоонун демилгечиси Армения парламентинде жаңжал жаратты (видео) 1080 0

20:05 2025-07-03 | Түркүн дүйнө

Жол кырсыгынан каза тапкан атактуу футболчу 11 күн мурун үйлөнгөн (видео) 2699 0

Архив

Комментарийлер (5)

keba300989

2018-03-15 11:27:32

Рыскелди Момбеков жакшы иштеп жатат

fantomas

2018-03-15 12:11:21

keba300989, АШАнын ХХХХХ Момбеков...

Mirlan27011987

2018-03-15 11:53:01

Созго баатыр, ишке жок

fantomas

2018-03-15 12:13:07

Саратовдо 10 миллионго ишке кирсе, Бишкекте 7 миллионго ишке ашырса болот экен, 10 миллион эмес..... Ошондо да кеминде 2-3 миллион жегичтердин кулкунуна кетет......

bond02

2018-03-15 12:29:59

озубуз эн кедей мамлекеттердин катарындабыз, анан миллиондон суйлойбуз.

Комментарий калтыруу үчүн өз ысымыңыз менен кириңиз же каттоодон өтүңүз.