Эл аралык уюмдардын каражаттарын пайдалануу үчүн депутаттар мамлекеттик баалуу кагаздарды күрөө катары пайдаланууну сунушташты

Бүгүн, 15-мартта Жогорку Кеңештин жыйынында мамлекеттик баалуу кагаздарды күрөө катары пайдалануу боюнча сунушталган мыйзам долбоору каралды. Мыйзам депутаттар Акылбек Жапаров, Азамат Арапбаев тарабынан сунушталууда.

Мыйзам долбоору мамлекеттик баалуу кагаздар аркылуу эл аралык уюмдардын каражаттарын пайдалануу мүмкүнчүлүктөрүн жогорулатуу максатында иштелип чыккан.

Демилгечилердин айтымында, бул мыйзам өкмөттүн бир катар мүмкүнчүлүктөрүн кеңейтүүгө мүмкүндүк берет. Кыргыз экономикасын долларсыздаштыруу жана мамлекеттик баалуу кагаздарын пайдалануу, ошондой эле ЕАЭБдин алкагында башка мамлекеттер менен бирдикте сомдук кредиттөөнү ишке ашырууда финансылык ресурстарды жана инвестицияларды тартуу боюнча өкмөттүн мүмкүнчүлүктөрү кеңейет.

Автор: Мунарбек Жоргомов