Окуучуларга информатика сабагын тактага чийип үйрөткөн мугалимге компьютерлер белекке берилди

Окуучуларга информатика сабагын тактага чийип үйрөткөн мугалимге компьютерлер белекке берилди. Бул тууралуу чет элдик маалымат каражаттары жазып чыгышты.

Белгилүү болгондой, ганалык Овура Кванду аттуу мугалим социалдык тармактагы баракчасына окуучуларга Microsoft Word компьютердик программасын тааныштырып жаткандыгын баяндаган сүрөт жүктөгөн. Анда мугалимдин аталган программаны балдарга компьютерсиз такта бетине чийип алып түшүндүрүп жаткандыгы тартылган.

Атталган сүрөт жана мугалимдин окуясы интернетте кызуу талкууну жаратып, көпчүлүктүн көңүлүн бурган. Бул окуяга кайдыгер карабаган бир нече уюмдар, британиялык университет жана "Microsoft" компаниясы Кванду иштеген мектепке компьютерлерди белекке беришти.Көпчүлүк окуучулар компьютерди биринчи жолу көрүп жаткандыгын айтышкан. Бирок Гананын билим берүү мыйзамына ылайык улуттук экзаменди тапшыруу үчүн окуучулар компьютерди колдонгонду билүүсү зарыл.

12-мартта NIIT компьютердик мектеби Овура иштеген мектепке 5 компьютер жана окуу материалдарын белекке беришкен. Ал эми мугалим Сингапурда өткөн конференцияга чакырылып, ошол жерде "Microsoft" компаниясынан компьютер жана билим берүү үчүн атайын материалдарды белекке алган.

Бирок өз сөзүндө мугалим бир нече компьютер балдарга толук кандуу билим берүү үчүн жетишсиз экенин айтып:

"Албетте, бир мектеп үчүн бул компьютерлер жетишсиз. Бирок дагы да кайдыгер карабаган адамдар биздин мектепке жардам көрсөтүп, компьютерлерди белекке берет деп ишенем", - деп билдирген.

Автор: Айзада Тураркулова

16:12 16-03-2018

Жазылуу

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 722 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 100 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 560 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 1717 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 762 0

16:40 2025-05-01 | Коом жана турмуш

Абитуриентке ЭКИ сөз: Кайсы кесиптерге суроо-талап жогору болууда? 1864 0

Архив

Комментарийлер (10)

datkayimjan

2018-03-16 16:28:21

Компьютерди биринчи жолу кармап коруп жаткан окуучулар учун беш компьютер да чон жанылык да

tynchy

2018-03-16 16:40:07

молодцы эми жыргашат экен

aydinnur

2018-03-16 16:50:16

Мугалимге рахмат,жан дили менен окууга күйгөн мугалим экен да

+11

Aruwka.89

2018-03-16 18:27:45

aydinnur,туура мындай мугалимдер азыр аз

iryi1

2018-03-16 16:56:09

Билим болсо кийим бутун.

vavilon.

2018-03-16 17:03:46

Доскага тарткан инфографикасы аябай окшошуптур.

nargiz94

2018-03-16 18:18:43

Мен мектепте окуганда информатик агайыбыз турган компьютерден уйротпочу, доскага чиймек турсун. Аябай баа бердим, молодец!!!

vikidiki

2018-03-16 21:50:31

nargiz94
Туура айтасын, оозеки, жазуу турундо отуп коюшчу эмес беле

ruslanz

2018-03-17 09:59:39

Атайылап жасалгандай сезилет, б.а.доскага тартып, аны фотого тартып интернетке жуктоп. Бирок азамат экен, кандай болсо да мектебин компьютерлуу кылды.

abon

2018-03-17 18:49:02

Чынгыз Айтматов дун Биринчи мугалими эсиме тушту. Дуйшон да эч нерсеге карабай окутууга аракет кылган го!

Комментарий калтыруу үчүн өз ысымыңыз менен кириңиз же каттоодон өтүңүз.