Улакчы Манас Ниязов: "Быйыл күчтүү командалар менен кездешебиз деп ойлогонбуз, тилекке каршы, андай болбой калды"

Бүгүн, 17-мартта Бишкек шаарындагы "Аккула" ат майданында Нооруз майрамына карата көк бөрү боюнча республикалык мелдештин чейрек финалдык беттештери өтүп, жарым финалга аттанган командалар белгилүү болду. "Достук" курама командасынын улакчысы Манас Ниязов командасы тууралуу SUPER.KG порталына айтып берди.

"Биздин "Достук" командабызга быйыл 7 жыл болуп калды. Ар түрдүү мелдештерде утулуп-утулуп ушул даражага жеттик, эми кичине утуп баштадык десе болот. Быйыл биздин курамга жаңы 2 оюнчу кошулду, бири Айбек деген улакчы, ал ортого чыгып улак тартышса, экинчиси Султан деген улакчы. Азыркы Нооруз майрамына арналган мелдешке алар менен бирге 2 ай даярданып машыгуу жыйындарын өткөрдүк", - дейт Ниязов.

Ошондой эле ал атаандаштары тууралуу айтып берди. "Чейрек финалда "Көк-Жал" командасы менен кездештик, жаш балдардан түзүлгөн курама экен. Командасына жакшы улакчылар чогулуптур, буюрса, 2-3 жылдын ичинде жакшы жыйынтыктарды көрсөтө баштайт деп ишенем. Мурунку мелдештерде күчтүү командаларга туш болчубуз, бул жылы дагы күчтүү командалар менен кездешебиз деп ойлогонбуз, бирок, тилекке каршы, андай болбой калды. Бизге жаңы командалар туш келип, аттарды жана өзүбүздү дагы көп кыйнабай жарым финалга чыгып алдык. Эми 19-мартта жарым финалда ойнойбуз", - деди улакчы.

Айта кетсек, "Аккула" ат майданында чейрек финалдын алкагында "Ынтымак" - "Толкун", "Биримдик Аю" - "Мурас", "Достук" - "Көк-Жал" жана "Сары-Өзөн" - "Арашан" беттештери орун алган. Анда Манас Ниязовдун "Достук" командасы Чүйдүн "Көк-Жал" командасына утууга дээрлик мүмкүнчүлүк бербей, ири 14:2 эсебинде жеңип алган.

Муну менен Таластын "Ынтымак", Чүйдүн "Биримдик Аю", Оштун "Достук" жана Чүйдүн "Арашан" командалары жарым финалга өтүшкөн.

Ал эми 19-мартта боло турган жарым финалдык оюндарда "Ынтымак" - "Биримдик Аю" жана "Достук" - "Арашан" командаларынын беттешин көрүүгө болот.

Бүгүн, 17-мартта болгон беттештердин жыйынтыгы, чейрек финал:

"Ынтымак" - "Толкун" - 8:1;

"Биримдик Аю" - "Мурас" - 7:3;

"Достук" - "Көк-Жал" - 14:2;

"Сары-Өзөн" - "Арашан" - 0:1.

Нооруз-2018: Көк бөрү боюнча жарым финалга өткөн командалар аныкталды

Автор: Нурсултан Нурболот уулу
Фото: Нурсултан Нурболот уулу

21:04 17-03-2018

Жазылуу

РУБРИКАДАГЫ СОҢКУ КАБАРЛАР

15:36 2025-05-15 | Коом жана турмуш

Президент хоккей боюнча улуттук кураманын мүчөлөрүнө акчалай сыйлык тапшырды (сүрөт) 26 0

15:33 2025-05-15 | Коом жана турмуш

SUPER.KG порталынын журналисти Мароккодогу дүйнөлүк конгресске катышууда 40 0

15:25 2025-05-15 | Коом жана турмуш

Чүйдүн чегиртке каптаган талааларында дарылоо иштери жүрүүдө (видео) 86 0

15:00 2025-05-15 | Коом жана турмуш

Президенттин иш башкармасы МИКке нааразы болгон депутатка жооп берди 339 0

14:45 2025-05-15 | Саясат

"Оппозициялык күчтөр кылып жатса керек". Садыр Жапаров кыргыз-казак тарыхы боюнча маек берди 321 0

14:34 2025-05-15 | Коом жана турмуш

+39 градуска чейин ысыйт. 16-майга карата аба ырайы 239 0

Архив

Комментарийлер (15)

Ramis.Ramis.kg

2018-03-17 17:20:51

Достук чемпион болот 100%

Kalmurzaev8900

2018-03-17 17:49:21

Менин жердешимда манас ниязов утат буйруса

rysik79

2018-03-17 18:16:40

Биринен бири кыйын. Казактарга сатылгандай эле сатылып кетпесин. Кыргыз кылымдардан кылымдар кок боруну дуйнодо эч кимге алдырбаган. Астанадагы кок бору чын болбой калган. Манас эркек бала казактар оло коркушат экен.

adiletabjalbekov92

2018-03-17 20:32:59

ынтымак утат кудай буйруса

egiz-jigit

2018-03-17 22:30:05

Ынтымак биринчи Биримдиктен отуп алсын,анан коробуз ким женет экенин

-2

Talaschanka

2018-03-18 02:12:07

egiz-jigit, ЫНТЫМАК ЧЕМПИОН болот буйруса.

aika5089

2018-03-17 22:30:33

Манас ушу сага кандай кыз туш болот экен

Oskar_83

2018-03-17 22:42:54

Биримдик Аю м.н Достук чыгат финалга ишенип бир койгула Туугандар кандай дейсинер.

Oskar_83

2018-03-17 22:44:44

Ынтымак даярдыгы начар экен 8.14 м.н аран утту

Kok-zhal

2018-03-18 10:01:26

Oskar_83, Ынтымак 8-1 Толкун.

Boobek_5

2018-03-18 14:17:46

Oskar_83,Аттарын өздөрүн чарчатып баштары шишиптирби?!

make2

2018-03-18 00:51:30

Ынтымак жеңетта барибир, финалда достукту

-3

Dastanke2014

2018-03-18 08:21:30

Калыстар ким тарап болсо ошол женат!

Dastanke2014

2018-03-18 08:22:05

Ошол утат

kyrgyz.93

2018-03-18 18:38:55

aika5089 озуно окшогон манас тороп бере турган кыздар жагатда

Комментарий калтыруу үчүн өз ысымыңыз менен кириңиз же каттоодон өтүңүз.