АКШда акробат оюн көрсөтүп жаткан учурда бийиктиктен кулап каза болду

Үй-бүлөсү менен

Янн Арно

АКШда акробат оюн көрсөтүп жаткан учурда бийиктен кулап кетип, каза болду. Бул тууралуу чет элдик басылмалар жазып чыгышты.

Маалым болгондой, "Cirque du Soleil" циркинин 38 жаштагы акробаты Янн Арно Флориданын Тампа шаарындагы оюн учурунда шакекче менен ар кандай трюктарды жасап жаткан. Бир убакта кокустан кулап кетип, ооруканага жеткирилген. Бирок алган жаракаты жеңил эмес болгондуктан, ал ооруканадан каза болгон. Аталган цирктин директору Даниэль Ламардын билдиргенине ылайык, Арно аткарган трюк өтө деле оор трюктардын катарына кирбейт. Анын үстүнө ал 15 жылдан бери циркте иштеген тажрыйбалуу акробат болгон.

Белгилей кетсек, Янн Арно орус улутундагы Инна Горелова аттуу айымга баш кошуп, 1 кыздуу болгон.