Чүйдөгү "Кыргыз айылы" этнографиялык комплексинде 700 килограмм боорсок бышырылып жатат

Чүй облусунун Аламүдүн районуна караштуу Арашан айылындагы "Кыргыз айылы" этнографиялык комплексинде 700 килограмм боорсок бышырылып жатат.

Уюштуруучулардын бири "Кыргыз айылы" этнографиялык комплексинин жетекчиси Жаркынай Кудаярованын айтуусуна караганда, ал боорсоктор келген адамдарга таратылып берилет.

"Биз 700 килограмм боорсок жасап рекорд коёлу деп чечтик. Салмагы да жөн жерден 700 килограмм деп жаткан жокпуз. Анткени 7 саны кыргыз эли үчүн өзгөчө саналары белгилүү. Ал боорсоктор келген адамдарга таратылып берилет. Боорсоктон тышкары бул жерде башка тамактарды да жасап жатабыз, бир аздан кийин улуттук оюндар боюнча таймаштар башталат", - дейт Жаркынай Кудаярова.

Автор: Бактыяр Кыдыралиев
Фото: Бактыяр Кыдыралиев