Улакчы Карыпбек Эшиев: "Билеги күчтүү бирди, билими күчтүү миңди жыгат" дегендей аягында биз жеңишке ээ болдук"

21-мартта Бишкек шаарындагы "Аккула" ат майданында Нооруз майрамына карата көк бөрү боюнча республикалык мелдештин финалы орун алды. Анда Таластын "Ынтымак" командасы Оштун "Достук" командасы менен кездешип, 2:1 эсебинде утуп алды. Оюндун аягында жеңишке жеткен "Ынтымактын" улакчысы Карыпбек Эшиев бүгүнкү оюн тууралуу SUPER.KG порталына айтып берди.

"Оюн абдан жакшы өттү. Бул мелдешке бардык командалар кышы бою даярданган. Бардыгыбыз эмгектенип машыгууларды уюштурганбыз. Мелдештин жүрүшүндө бизге күчтүү командалар туш келсе дагы, оюндарды ийгиликтүү жыйынтыктап, биздин жеңиш менен аяктады. Оюнга "акыл менен ойнойлу" деген тактика менен чыкканбыз. Эсеп саны 1:0 болуп жатканда өзүбүз карманып жаттык. Биригип, бири-бирибизге сылык сүйлөп, ар кандай сөздөрдү айтып ачууга алдырбайлы деп жаттык. Жыйынтыгында "билеги күчтүү бирди, билими күчтүү миңди жыгат" дегендей аягында биз жеңишке ээ болдук", - дейт улакчы.

Айта кетсек, 1-орунду багындырган "Ынтымак" командасы 400 миң сом акчалай сыйлыкка ээ болсо, "Достук" командасы 2-орунду ээлеп 200 миң сомго ээ болду. Ал эми 3-орунду ээлеген "Биримдик Аю" командасы 100 миң сом, 4-орунду ээлеген "Арашан" командасы 75 миң сом акчалай сыйлыкка ээ болду.

Эске салсак, 2017-жылы Нооруз майрамына карата өткөн мелдештин финалында "Ынтымак" менен "Достук" беттешкен. Анда да бүйүр кызыткан беттештин жыйынтыгында "Ынтымак" 8:7 эсебинде жеңишти илип кеткен.

жаңыланды 07:35 22-03-2018
кошулду 21:05 21-03-2018

Нооруз-2018: Көк бөрүдөн "Ынтымак" командасы былтыркы ийгилигин кайталады

Автор: Нурсултан Нурболот уулу
Фото: Адилет Керимбек уулу

Жазылуу

РУБРИКАДАГЫ СОҢКУ КАБАРЛАР

17:54 2024-04-23 | Кылмыштар, кырсыктар

Ысык-Атада 14 жаштагы өспүрүм кыз өз өмүрүн кыйды 34 0

17:49 2024-04-23 | Түркүн дүйнө

Владимир Путиндин инаугурациясы 7-майда өтөт 71 0

17:34 2024-04-23 | Коом жана турмуш

Бишкекте автобус айдоочулары менен түшүндүрүү иштери жүргүзүлүүдө 106 0

17:32 2024-04-23 | Кылмыштар, кырсыктар

"KG Group’тун" жетекчиси Имамидин Ташов бир айга камалды 179 0

17:12 2024-04-23 | Коом жана турмуш

"Улуу тоо" ресторанында жапырт уулангандардын саны 55ке жетти 209 0

16:49 2024-04-23 | Саясат

Акылбек Жапаров ИМБДУнун башкы директорунун жардамчысы Марко Алеман менен жолугушту 132 0

Архив

Комментарийлер (16)

Aiba__95

2018-03-21 21:13:01

Ошондо билиминер кучтуу деген турасынарбы

aibars

2018-03-21 21:19:06

Эки команда тен кучтуу. Мен озум Таластанмын бирок экоосун тен бирдей баалайм. Анткени Кыргызымдын намысын казактардан коргой ала турган балдар бар. Казактарды утуп тизесин чоголотсонор ошондо чыныгы кучтуулугунорду баалайбыз. " Достуктан" Манастын атын укканда казак туугандар кадимкидей коркушат. Буйруса ушул эки команданын мыктылары Кыргыздын намысын коргоп желегибизди казактардын журогун тушуро желбиретип келгиле.

+19

Janybekleilekkg

2018-03-22 00:12:51

aibars,эркек

aza84

2018-03-21 21:23:51

Алга чемпиондор короалбагандар чычалай берет Азамптсынар дагыда болсо далилдединер чыныгы чемпион экенинерди

Osh3015

2018-03-21 21:27:21

Ахилес мыкты ат экен.

aika5089

2018-03-21 22:33:30

Ар бир команданын оздорунун куйормандары бар! Достукту колдосо эле Оштук болуп калбайт да... Ынтымакты жениши мн куттуктайм! А Достук силер барибир менин суйуктуу командам боюнча каласынар жана мен учун биринчи орундасынар!!! Бул жолкусу болбосо кийинкисинде утаарынарга ишенем.

travm

2018-03-21 22:47:25

Таластыктарга Ахиллес менен Геркулести куудайым Берген экен болбосо женилет эленер.

nurikkg88

2018-03-21 23:05:49

Ынтымак командасы ахилеске рахмат айткыла чынында тарыхта кала турган ат экен

bond02

2018-03-21 23:11:51

билим менен женгидей сага бул черчение сабагы беле?

adiletabjalbekov92

2018-03-22 01:53:51

bond02,албетте билим акыл менен женет да,оюнда тактика растановка ошонун баары билим ошону айтып жатат карыпбек

adiletabjalbekov92

2018-03-22 00:53:03

урматтуу кыргыз элим болунбогуло,жана коро албастык кылбагыла,бул деген ийгилик,утса баары эле мактанат да

sagynbek.apyshev

2018-03-22 02:28:27

Кайсы күчтүү команданы айтып атат бул полуфиналда гана биримдик күчтүү болбосо калганы андай деле эмес. Достук деле мурунку беттештерде полуфиналда күчтүүлөр менен ойногон атак.

ACAH_katagan

2018-03-22 07:31:22

улакта илим билим химиянын кереги жок
Эпчил Күчтүү анан минген атын жакшы болсо жетет ошол

-1

urmat94

2018-03-22 07:42:04

Илим билимдуу боло бербечи эптеп бир эки улак ашыкча таштап алсанар эле убакытты кетире бересинер эркекче ойнобой

-1

Boobek_5

2018-03-24 21:48:39

urmat94, шылтоо ошолбу

Sexyilyaz85

2018-03-22 08:00:29

Атта билимдуулор болгонун куйдурушотта ушулар.химия сабакынан отупаткансып.

-1

Комментарий калтыруу үчүн өз ысымыңыз менен кириңиз же каттоодон өтүңүз.