Түштүк Кореяда Нооруз майрамы белгиленди

Улуттук жана эл аралык оюндар ойнотулду.

Мааракеге чет өлкөлүк жана кореялык жарандар да күбө болушту.

Түштүк Кореяда окуган Кыргыз студенти Нурсултан Алтыбаев жана башка уюштуруучулар.

Улуттук тамак-аштар дастаркондон орун алды.

Элчи Кылычбек Султан иш-чаранын уюштуруучуларына жана таланттуу студенттерге ыраазычылык кат тапшырды.

Биринчи жолу тигилген боз үйдү Корея Республикасындагы Кыргыз өлкөсүнүн элчиси Кылычбек Султан атайын Кыргыз диаспорасы үчүн Кыргыз мамлекетинен сатып алып келип берди.

25-мартта Түштүк Кореянын Сеул шаарында Нооруз майрамы белгиленди. Бул тууралуу SUPER.KG порталына Түштүк Кореяда окуган Кыргыз студенти Нурсултан Алтыбаев билдирди.

Анын айтымында, иш-чараны аталган мамлекетте билим алып жаткан Кыргыз студенттери уюштурду.

"Нооруз майрамы жылда Түштүк Кореянын ар бир шаарында өткөрүлүп келет. Быйыл Сеул шаарында Нооруз өзгөчө өттү. Биринчи жолу боз үй тигилди. Боз үй Кыргыз мамлекетинин Түштүк Кореядагы элчиси Кылычбек Султандын жардамы менен тигилди. Иш-чарада улуттук, эл аралык, интеллектуалдык оюндар орун алды. Таланттуу балдарга, кыздарга, иш-чаранын уюштуруучуларына ыраазычылык каттар тапшырылды. Элчи Кылычбек Султан иш-чаранын аягына чейин катышты", - дейт ал.

Ал боз үйдү элчи Кылычбек Султан атайын Кыргыз диаспорасы үчүн Кыргыз мамлекетинен сатып алып келип берди. Боз үй уста Төлөсүн Бектемировдун колунан чыккан.

Автор: Жылдыз Джускембаева