Депутат Наталья Никитенко жөлөк пул берүүдө даректүүлүк иштебей жатканын айтты

"Ата Мекен" фракциясынан депутат Наталья Никитенко жөлөк пул берүүдө даректүүлүк иштебей жатканын айтты. Бул тууралуу ал бүгүн, 26-мартта Жогорку Кеңештин комитетинин жыйынында билдирди.

"Кээ бир жарандар жөлөк пул алуу үчүн киреше булактарын жашырышат. Өткөндө 8 жаштагы кызды бир сындырым нан үчүн өгөй энеси сабаганы белгилүү болду. Бул үй-бүлө жөлөк пул албайт экен. Коомчулукка чыкпаган канчалаган мындай окуялар көп. Чыныгы муктаждарга жөлөк пул берилбейт. Чоң ата, чоң энелердин пенсиясын үй-бүлөнүн кирешеси катары кароо туура эмес. Жөлөк пул берүүдө даректүүлүктү тактаганда пенсияны алып салуу зарыл. Ошондой эле 1 жарым жашка чейинки балдардын баары жөлөк пул алышы керек", - деди депутат.

Автор: Жылдыз Джускембаева