Кореядагы кыргыздар Ноорузду кантип майрамдашты? (фоторепортаж)

Майрамга келгендер мекенине болгон сагынычын таратып кетишти

Элчи уюштуруучуларга ыраазычылык катын тапшырды

Улуттук тамак-аштар менен дасторкон жасалды

Сеул шаарынын жашоочулары да сүмөлөк, боорсоктун даамын татышты

Кыргыздын улуттук маданиятын жайылтуу үчүн диаспорага боз үй тапшырылды

Мекенден алыс жүргөн Кыргыз жарандары улуттук ыр-бийлерге да күбө болушту

Майрам кызыктуу оюндар менен коштолду

Кыргыз Республикасынын Кореядагы атайын жана толук ыйгарымдуу элчиси Кылычбек Султан Кыргыз диаспорасына элчиликтин атынан бардык керектүү буюмдары менен жасалгаланган боз үйдү тапшырды. Бул тууралуу маалыматты элчиликтен кабарлашты.

Маалыматка ылайык, элчи боз үйдү Сеул шаарында Кыргыз жарандары Нооруз майрамын белгилеп жаткан учурда тапшырган. Боз үй Кыргыз жеринен улуттук маданиятты жайылтуу жана диаспоранын ынтымагын бекемдөө максатында алынган.

"25-мартта Түштүк Кореянын Сеул шаарында Нооруз майрамына карата маданий-массалык иш-чара өттү. Ал Кореяда окуп, билим алып жаткан Нурсултан Алтыбаев, Ульсана аттуу жаштар баштаган студенттер тарабынан уюштурулду. Салтанатка келген элчи Кылычбек Султан мекендештерди майрамы менен куттуктап, бул жылда Кореяда Кыргыз мамлекети үчүн маанилүү болгон иш-чаралар өткөндүгүнө токтолду. Алардын бири Пйоңчаңда өткөн Кышкы Олимпиада оюндары, ага Кыргыздын 2 спортчусунун катышуусу болсо, экинчиси футбол боюнча 2019-жылы өтө турган Азия Кубогунун тандап алуу оюндарынын алкагында өткөн Кыргыз-Мьянма беттеши жана Кыргыз курамасынын жеңиши. Муну менен Кыргыздын тарыхында биринчи жолу Кыргыз курама командасы Азия Кубогуна катышууга мүмкүнчүлүк алганын айтты ал", - деп жазылат маалыматта.

Ошондой эле элчи мигранттардын өлкөдө мыйзамсыз жүрүү маселесине да токтолуп, келечекте Кыргыз жарандары Корея Республикасына виза алуу режимин жөнөкөйлөтүү үчүн жарандардын мыйзамдуу жүрүшү маанилүү жана зарыл экенин айткан.

Сөз соңунда Кылычбек Султан уюштуруучуларга ыраазычылык баракчасын тапшырып, майрам ыр-бий, улуттук тамак-аштардын көргөзмөсү, оюн-зоок менен коштолгон.

Автор: Кызжибек Раимова

07:37 28-03-2018

Жазылуу

РУБРИКАДАГЫ СОҢКУ КАБАРЛАР

09:54 2025-07-02 | Түркүн дүйнө

Зеленский Азербайжанды колдоду 161 0

09:46 2025-07-02 | Саясат

Балыкчы шаарынын мэри алмашты 157 0

09:42 2025-07-02 | Кылмыштар, кырсыктар

Бишкектеги Республикалык стоматологиянын менчиктештирилип кеткен имараты мамлекетке кайтарылды 72 0

09:33 2025-07-02 | Кылмыштар, кырсыктар

Баткенде аткезчилик фактысына бөгөт коюлду 160 0

09:30 2025-07-02 | Түркүн дүйнө

USAID тышкы жардам берүү программаларын ишке ашырууну токтотту 88 0

09:26 2025-07-02 | Түркүн дүйнө

Германияда Палестина үчүн акча чогултуп, өзүнө короткон блогерге кылмыш иши козголду 311 0

Архив

Комментарийлер (2)

nurka_85

2018-03-27 19:43:45

Азаматтар!
Ушул Кылычбек Султановду Россияга элчи кылыш керек. Мигранттарга жардамы тиймек деп ойлойм. Россияда кыйналган кыргыз мигранттарына ушул киши жардам берсе кк эле.Барган жерин гулдотуп иштеп журот.

Benazir08

2018-03-28 02:13:28

Москвада да Нооруз майрамын откорушту вдхда биздин боз уйго кирейин десен эшиги жабык посольстводогу киши согунуп киргизбейт аны видеого тартып алдык жакында жиберем. Казакстан ж.б ныкы ачык баары кирип суротко тушуп атышты уят уят

Комментарий калтыруу үчүн өз ысымыңыз менен кириңиз же каттоодон өтүңүз.