Эксперт: "Мектеп-интернатынан качкан балдарды эч ким издебей жатат"

"Мектеп-интернатынан качкан балдарды эч ким издебей жатат". Бул тууралуу эксперт Умида Абылгазиева Акыйкатчы институтунун кароосуз калган жана мыйзам бузган балдардын укуктары боюнча жарыялаган баяндамасын талкуулоо учурунда айтты. Анын белгилешинче, интернаттагы шартка чыдабай качып чыгып кеткен балдарды издөөгө эч ким кызыкдар эмес.

"Керек болсо ошол мектеп-интернатынын жетекчилиги да издебейт. Тилекке каршы, мындай учурлар көп кездешүүдө. Акыйкатчы институту гана ошол аймактагы райондун жана облустун жетекчилигине арыз берип, чара көрүү талабын коюп келет", - деди Абылгазиева.

Жыйынга катышып жаткан ЮНИСЕФтин өкүлү Елена Зайченко баланы мектеп-интернатына эмес, өз ата-энесинин колунда калуусу үчүн эң алгач үй-бүлөгө жардам керектигин айтты.

"Балдардын көйгөйлөрүн чечүү боюнча бир канча документтерге кол коюлуп келет. Ошондой эле кароосуз калган балдарды кабыл алуу жайларынын санын көбөйтүү керектиги айтылат. Бирок баланы мектеп-интернатына эмес, өз ата-энесинде калуусу үчүн эң алгач ата-эненин өзүнө жардам берүү шарт. Анткени айрымдары баласын багууга мүмкүнчүлүгү жоктугунан башка бирөөгө же кабыл алуу жайларына таштап кетүүгө аргасыз болуп жатышат да. Мен 8 небересин бирдей карап жаткан тургундарды көрдүм. Мындай болбошу керек", - деди уюмдун өкүлү.

Акыйкатчы институтунун 2017-жылдагы изилдөөсүнө ылайык, өлкө аймагында 11 миң 422 бала мектеп-интернатында тарбияланып келет. Алардын 5 пайызы томолой жетим болсо, айрымдарынын ата-энеси, айрымдарынын атасы же энеси бар болуп чыккан.

Автор: Жамалидин Парманкулов

18:13 29-03-2018

Жазылуу

РУБРИКАДАГЫ СОҢКУ КАБАРЛАР

12:03 2025-07-01 | Коом жана турмуш

"Апрель" телеканылынын мурунку журналисти Канат Каниметовду УКМК суракка чакырды 7 0

11:54 2025-07-01 | Кылмыштар, кырсыктар

УКМК Кара-Балта мэри Мирлан Жекшеновдун кармалышынын себебин билдирди (видео) 122 0

11:54 2025-07-01 | Коом жана турмуш

Дайырбек Орунбеков унааларды камсыздандыруу полиси тууралуу билдирүү таратты 99 0

11:16 2025-07-01 | Коом жана турмуш

Бишкектин мэри кафенин санитардык абалына нааразы болду 375 0

11:01 2025-07-01 | Кылмыштар, кырсыктар

Бишкекте “Хизбут-Тахрир” экстремисттик уюмунун 5 мүчөсү кармалды 240 0

11:00 2025-07-01 | Түркүн дүйнө

АКШ Израилге 510 миллион долларлык бомба башкаруу жабдууларын сатууну туура көрдү 303 0

Архив

Комментарийлер (2)

Mirlan27011987

2018-03-29 19:41:15

Азыр бироонун кайгысына, бироо кайгырбай деле калды го.

Pamirlan

2018-03-29 21:27:40

Кобунчо ажырашкандардын балдары, чет мамлекетке кеткен ата энелердин балдары, окушат.Мээримге зар балдар. Балдар биздин келечегибиз. Интернатта деле жакшы шарт жок.

Комментарий калтыруу үчүн өз ысымыңыз менен кириңиз же каттоодон өтүңүз.