Каныбек Иманалиев: "Мектепте окубай калгандар бар, өлкөдө бул тармак 19-кылымга кайтып барды"

Мектептердин сапатына премьер-министр жооп бериши керек. Мындай пикирин бүгүн, 29-мартта "Мектеп курулушунун динамикасы жана авариялык мектептердин абалы" аттуу маалымат жыйында Жогорку Кеңештин "Ата Мекен" фракциясынан депутат Каныбек Иманалиев айтты.

Анын пикиринде, мектепке болгон мамиле бул мамлекетке болгон мамилени көрсөтөт.

"Бүгүнкү "Мектеп курулушунун динамикасы жана авариялык мектептердин абалы" деген иш-чара Кыргыз өлкөсүндөгү бардык башаламандыкты көрсөтүп турат. Анткени билим жаатына келгенде Пакистандан төмөн түшүп калдык, алардын 30 пайызынын билими жок. Ал эми каржылоо боюнча Финляндия менен тең турабыз. Учурда республиканын райондорунда 40 түтүнгө мектеп салып жатат, башка өлкөлөрдө 300дөн кем эмес болсо салышат. Биз мектепке эмес билимге басым жасашыбыз керек. Кыргыз өлкөсүнө жаңы мектептин куруунун кереги жок. 200 мектеп салынып баштаганы жакшыбы же 20 мектеп бүткөн жакшыбы?" - деди депутат.

Ошондой эле ал мектептерди стандарттык түрдө карап, 3 бөлүк менен - шаардык, райондук жана авариялык деп куруу керектигин, аларга бирдей каражат каралып, кайсы бир курулушта ашыкча акча иштелсе, анда коррупцияга барды деп иш козгоо керектигин айтты.

"Мектептердин курулушуна жана сапатына Экологиялык жана техникалык коопсуздук боюнча инспекция же Өзгөчө кырдаалдар министрлиги эмес, премьер-министр жооп бериши керек", - дейт Иманалиев.

Мындан сырткары, ал Ысык-Көл облусунда мектепке барбай жаткан 3-4 адамдын үй-бүлөсүн айтып, муну менен ал Кыргыз өлкөсүндө бул тармак 19-кылымга кайтып барып калганын кошумчалады.

Автор: Бактыяр Кыдыралиев
Фото: Бактыяр Кыдыралиев

20:37 29-03-2018

Жазылуу

РУБРИКАДАГЫ СОҢКУ КАБАРЛАР

12:03 2025-07-01 | Коом жана турмуш

"Апрель" телеканылынын мурунку журналисти Канат Каниметовду УКМК суракка чакырды 7 0

11:54 2025-07-01 | Кылмыштар, кырсыктар

УКМК Кара-Балта мэри Мирлан Жекшеновдун кармалышынын себебин билдирди (видео) 122 0

11:54 2025-07-01 | Коом жана турмуш

Дайырбек Орунбеков унааларды камсыздандыруу полиси тууралуу билдирүү таратты 99 0

11:16 2025-07-01 | Коом жана турмуш

Бишкектин мэри кафенин санитардык абалына нааразы болду 375 0

11:01 2025-07-01 | Кылмыштар, кырсыктар

Бишкекте “Хизбут-Тахрир” экстремисттик уюмунун 5 мүчөсү кармалды 240 0

11:00 2025-07-01 | Түркүн дүйнө

АКШ Израилге 510 миллион долларлык бомба башкаруу жабдууларын сатууну туура көрдү 303 0

Архив

Комментарийлер (4)

Pamirlan

2018-03-29 21:30:09

Балдар биздин келечегибиз

Mirlan27011987

2018-03-29 22:12:14

Ар кайсы кычыктарга мечиттерди сала бербей, болница, мектептерди салыш керек. Билим гана туура жолго салат адамды. Азыркы балдардын келечеги, бугунку алган билиминен коз каранды. Ошол афган пакистан элдери динчил болушкандыктан элдери билим менен иши жок жана карангы жашашат. Баары кудайчыл болуп бутушкон, кудай берет деп асманды тиктеп отурушат. Мунун баары билимсиздиктен. Ашынган динчил боло берсек билимдуу боло албайбыз жана илгерки жапайчылык заманга келебиз

-2

JaneEr

2018-03-29 23:39:42

Мектепти аяктап,ВУЗду да аяктап диплом менен иш таппай жатышат чекеден.Анан кантип окугусу келишет...Куру убакыт кетирип не кылабыз дешет тем более мигранттардын балдары.Келечекте кайра мигрант болуу кутуп турса бул кетиште. ..Билимге эмес акча же таанышка карап ишке алышса.

jbolotov

2018-03-30 01:45:11

Кыргызстанда мектеп медицина бекер дейт бирок иш жузундо башкача. Мектепке киргизиш учун эле 10мин сомдой кетет, анан мектепке жардам, фонд, баланчанын куну, тугунчонун туулган куну, ремонтко деп башталат. Мамлекет каржвлай албаса элди кыйнабай бийликти иштейтурган адамга откоруп беришсе мекен учун пайдалуу иш кылган болот эле.

Комментарий калтыруу үчүн өз ысымыңыз менен кириңиз же каттоодон өтүңүз.