Диктор Чынар Капарова КТРКнын директору Илим Карыпбековду соттон жеңип алды. Чечим боюнча телеканал аны кайрадан жумушка алууга тийиш

КТРКнын "Ала-Тоо" маалымат программасынын мурдагы алып баруучусу, диктор Чынар Капарова аталган телекомпаниянын жетекчиси Илим Карыпбековду соттон утуп алды. Бул тууралуу Жогорку Соттун маалымат кызматынан SUPER.KG порталына кабарлашты.

Маалым болгондой, Кыргыз Республикасынын Жогорку Сотунун жарандык иштер боюнча соттук коллегиясынын 2018-жылдын 26-мартындагы токтому менен Бишкек шаарынын Ленин райондук сотунун 2017-жылдын 6-февралындагы чечими жана Бишкек шаардык сотунун жарандык иштер боюнча соттук коллегиясынын 2017-жылдын 19-декабрындагы аныктамасы күчүндө калтырылган. Ошондой эле Капарованын кайра ээлеген кызматына орноштуруу жөнүндөгү доо арызы канааттандырылган.

"Чечим боюнча Чынар Капарова мурда ээлеген "Ала-Too" маалымат программасынын студиясынын баяндамачысы кызматына кайра коюлат. Ошондой эле КТРК тарабынан Капарованын пайдасына жалпысынан 60 миң 59 сом өндүрүлгөн. Анын ичинде аргасыз ишке чыкпаган учурдагы орточо эмгек акысы - 55 миң 59 сом, моралдык зыяндын компенсациясы - 5000 сом. Калган доо талаптар канааттандыруусуз калтырылды", - дейт басма сөз кызматы.

Белгилей кетсек, Чынар Капарова 2016-жылы КТРКнын директору Илим Карыпбеков аны "Эфирден Сүйүнбай Эралиевди "Эл баатыры" деп туура эмес атагандыгы үчүн" деген кине менен кызматынан алгандыгын айтып чыккан жана муну акыйкатсыз чечим катары кабыл алгандыгын билдирип, Карыпбековду сотко берүүнү чечкен.

Автор: Наргиза Талантбекова

11:39 30-03-2018

Жазылуу

РУБРИКАДАГЫ СОҢКУ КАБАРЛАР

09:54 2025-07-02 | Түркүн дүйнө

Зеленский Азербайжанды колдоду 161 0

09:46 2025-07-02 | Саясат

Балыкчы шаарынын мэри алмашты 157 0

09:42 2025-07-02 | Кылмыштар, кырсыктар

Бишкектеги Республикалык стоматологиянын менчиктештирилип кеткен имараты мамлекетке кайтарылды 72 0

09:33 2025-07-02 | Кылмыштар, кырсыктар

Баткенде аткезчилик фактысына бөгөт коюлду 160 0

09:30 2025-07-02 | Түркүн дүйнө

USAID тышкы жардам берүү программаларын ишке ашырууну токтотту 88 0

09:26 2025-07-02 | Түркүн дүйнө

Германияда Палестина үчүн акча чогултуп, өзүнө короткон блогерге кылмыш иши козголду 311 0

Архив

Комментарийлер (10)

Medinaa

2018-03-30 11:43:04

И не иштебей калды беле?Мага жагат.Ушундай эже болгум келет(карьера жаатында)Неге көрүнбөй калды деп коём.Эми ишке чыгыңыз.

+13

Lion.

2018-03-30 12:18:27

Эми ишке чыкканда деле Карыпбеков муну басмырлап жаман кылат болуш керек

Akshumkar

2018-03-30 12:24:36

Илим Карыпбековду баягы бир ХХХХХХХХХХ

altyn2015

2018-03-30 12:57:52

Азаматсыз!

Samat777

2018-03-30 13:27:54

Чынара Капарова чынында жакшы алып баралбайт. Үнү кырылдап башкача.Илим дагы ошон үчүн кетирсе керек деп ойлойм.

-13

Cleo-13

2018-03-30 13:59:12

Кандай кылса да женип чыгыптыр да бул жерде максат башкаго дейм.

Jelezo

2018-03-30 14:21:01

Илим иним эркек болсон иштен кет уят өлүмдөн катуу

raykray

2018-03-30 14:41:30

Илим деген келип суйкуйган жаш сууларды
Озуно жакканын гана калтырып атканда,озу корорун коргон бир олумдон калып, Чынар айымга ийгилик каалайм!!!

Nazic

2018-03-30 14:41:35

Бизде "оозу кыйшык болсо да байдын уулу суйлосун дейт" - эле.. соттор Илимдин тарабында болушмак, Чынардын ташы анын ташына караганда басымдуураак чыккан окшойт.... ишеним жок сот системине

alikgz

2018-03-30 16:40:05

Чынара эжедей эч ким алып баралбайт,
Отто сонун жумушка чыгыныз коомдук каналдын корку сиз болосуз,

Комментарий калтыруу үчүн өз ысымыңыз менен кириңиз же каттоодон өтүңүз.