Бишкектеги коомдук тамактануучу жайлар текшерүүгө алынат

Бишкек шаарындагы коомдук тамактануучу жайлар текшерүүгө алынат. Бул тууралуу бүгүн, 2-апрелде SUPER.KG порталына Бишкек шаардык санитардык-эпидемиологиялык борборунун башкы дарыгери Артур Буюклянов билдирди.

Анын айтымында, текшерүүдөн кийин коомдук тамактануучу жайдын абалын билдирген ар кандай түстөгү стикер мекемеге берилет

"1-апрелден баштап Бишкек шаарындагы жана Ысык-Көл облусундагы коомдук тамактануучу жайлардын абалы текшерүүгө алынат. Мыйзамдын негизинде жылына бир жолу пландык текшерүү өткөрүлүп келсе, бул ирет жаңылык киргизилет. Абалын текшерген соң, тургундарды тааныштыруу максатында ар кандай түстөгү стикер жармаштырылат. Мындай ыкма менен текшерүү алгачкы жолу жүргүзүлүп жатат. 2019-жылдан тарта башка аймактардагы коомдук тамактануучу жайларга да текшерүү пландалууда", - дейт адис.

Айта кетсек, адистер коомдук тамактануучу жайларды текшерүүдө төмөнкү бөлүмдөргө көңүл бурарын билдиришти.

"Негизинен имараттын коопсуздугу, кафе же бардын иштөөгө уруксат кагаздары, мөмө-жемишти жана этти даярдоо шарттары, даярдалган тамактын сапаты жана кызматкерлердин ден соолугу тууралуу тактамасы текшерилет", - деп кошумчалады Буюклянов.

"Жашыл түстөгү стикер - бардык нормативдик талаптарга жооп берет. Ал эми сары түстөгү стикер - жарым жартылай талаптарга жооп берет жана кызыл түстөгү стикер - эч бир талаптарга жооп бербейт", - дейт жетекчи.

Белгилей кетсек, Бишкек шаары боюнча миңге жакын коомдук тамактануучу жай текшерүүгө алынат. Ал эми жаңы ачылган мекемелерге 3 жылга чейин текшерүү жүргүзүүгө мыйзам тыюу салат.

Автор: Айнуска Жороканова

17:12 02-04-2018

Жазылуу

РУБРИКАДАГЫ СОҢКУ КАБАРЛАР

00:20 2025-07-17 | Түркүн дүйнө

Белгилүү норвегиялык спортчуга чагылган тийип, каза болду 672 0

23:56 2025-07-16 | Коом жана турмуш

17-июлга карата аба ырайы 286 0

23:38 2025-07-16 | Түркүн дүйнө

Атактуу футболчу Ямал алгачкы ирет Месси менен түшкөн сүрөтү тууралуу пикирин билдирди 803 0

23:17 2025-07-16 | Түркүн дүйнө

Орусияда Азербайжан диаспорасынын жетекчисинин уулу эки айга камакка алынды 713 0

22:49 2025-07-16 | Түркүн дүйнө

Эрдогандын негизги саясий атаандашы Имамоглуну сот 20 айга эркинен ажыратты 600 0

22:26 2025-07-16 | Түркүн дүйнө

Армения Шанхай кызматташтык уюмуна мүчө болуу өтүнүчү менен кайрылды 598 0

Архив

Комментарийлер (5)

madrid7000

2018-04-02 17:33:01

Эн туура.Эмне кылып жазап жатышкандарын биз кайдан билмек элек.

nargiz94

2018-04-02 17:50:37

Ушинтип текшериш учун соз жок 150 дон ашык киши ууланыш керек беле. Керек болсо 3 айда бир текшериш керек. Ош базардагы жайнаган манты саткандар кайра эле чыгып атат, аларды тыйган эч ким жок

Mikra

2018-04-03 01:15:02

Ош базарындагы Кыял базарынын ичиндеги Мурат деген ашкананы текшергилечи суранам.мен балдарым менен манты жееп атсам ичинен таракан чыкты бутун таракан экен коруп алып журогум айланды.ордумдан туруп барып корсотсом унчуккан жок.акчамды сурасам шаг эле беришти.бирок мен жон кеткен жокмун залда тамактанып отурган элдерге угуза айтсам чыгып кетиниз милиция чакыртам дейт.мен администрациянды чакыр десем админ чыкпай койду.кайра сурадым таракан бар мантыны бер десем бербей коюшту суротко тартам десем

admin_portal

2018-04-03 09:11:23

Mikra, Саламатсызбы? Кайсы бир көйгөйлөрдү байкап калсаңыз сүрөт же видеого тартып 0557 47 39 39 номерине WhatsApp аркылуу жиберсеңиз болот.

Mikra

2018-04-03 01:18:31

Ошол Мурат ашканасынан тамактанбагыла.мен туура эмес кылдымда суротко видеого тартып туруп анан алып барып берсем болмок экен.коркуп журогум айланып кеткенинен тарелкасы менен алып барып берип салыпмын.шаг эле жок кылышты кайра сурасам бербей койушту катып алыштыбы билбейм.Супер инфо ушул жонундо кандай чара колдоно аласыздар жооп кутом.

Комментарий калтыруу үчүн өз ысымыңыз менен кириңиз же каттоодон өтүңүз.