Даниэл Алвес "ПСЖ" командасы менен Франция лигасынын кубогун багындырып, тарыхтагы эң титулдуу футболчу болду

"ПСЖ" футболдук клубунун коргоочусу Даниэл Алвес карьерасындагы 36-трофейди жеңип алып, тарыхтагы эң титулдуу футболчу болду. Бул тууралуу чет элдик басылмалар жазышат.

Маалыматка ылайык, 31-мартта бразилиялык футболчунун "ПСЖ" командасы Франция лигасынын кубогунун алкагында "Монакону" 3:0 эсебинде жеңип алды. Муну менен Даниэл Алвес профессионалдык карьерасында 36-трофейди жеңип алып, тарыхтагы эң титулдуу футболчу болду.

Бул жыйынтык Райан Гиггз менен Кенни Далглиштин жетишкендигинен дагы ашып өттү. Ошондой эле 2018-жылы Даниэл Алвес "ПСЖ" менен Франция лигасын жана Франция кубогун жеңип алышы мүмкүн.

Дани Алвес профессионалдык карьерасын 2001-жылы Бразилиянын "Баия" командасында баштап, аны менен регионалдык мелдештерде 3 трофейге ээ болгон. 2003-жылы Алвес Испаниянын "Севилья" клубуна өтүп, 5 трофей жеңип алган. 2008-2016-жылдары испаниялык "Барселона" командасына ойноп, 23 мелдештин жеңүүчүсү болгон. 2016-жылы италиялык "Ювентус" клубу менен 2 трофейге ээ болсо, 2017-жылдан бери "ПСЖ" клубу менен 3 кубоктун ээси болгон. Андан тышкары, Алвес Бразилия курама командасы менен 3 трофейди багындырган. Муну менен ал профессионалдык карьерасында регионалдык мелдештерди эсепке албаганда 36 трофейди жеңип алган.

Автор: Нурсултан Нурболот уулу

20:11 02-04-2018

Жазылуу

РУБРИКАДАГЫ СОҢКУ КАБАРЛАР

15:36 2025-05-15 | Коом жана турмуш

Президент хоккей боюнча улуттук кураманын мүчөлөрүнө акчалай сыйлык тапшырды (сүрөт) 26 0

15:33 2025-05-15 | Коом жана турмуш

SUPER.KG порталынын журналисти Мароккодогу дүйнөлүк конгресске катышууда 40 0

15:25 2025-05-15 | Коом жана турмуш

Чүйдүн чегиртке каптаган талааларында дарылоо иштери жүрүүдө (видео) 86 0

15:00 2025-05-15 | Коом жана турмуш

Президенттин иш башкармасы МИКке нааразы болгон депутатка жооп берди 339 0

14:45 2025-05-15 | Саясат

"Оппозициялык күчтөр кылып жатса керек". Садыр Жапаров кыргыз-казак тарыхы боюнча маек берди 321 0

14:34 2025-05-15 | Коом жана турмуш

+39 градуска чейин ысыйт. 16-майга карата аба ырайы 239 0

Архив

Комментарийлер (6)

aiba-889290

2018-04-02 21:11:48

Дани Алвес эмеспи?Бир жеринде Даниел,бир жеринде Дани деп жазыпсынар.

-1

bazarkyl

2018-04-02 21:50:05

Жакшы спорт жаңылыктары көп эле болсо болмок экен

bekos2012

2018-04-02 22:01:18

Франция лигасынын кубогун жеңип алды, кайра эле Франция лигасын жана кубогун жеңип алышы мүмкүн?????? Түшүнбөдүм

-5

FCBMESSI

2018-04-02 22:27:07

bekos2012,Францияда 3 кубок бар алар Франция чемпиону,Франция кубогу, Франция лигасынын кубогу Монакону женип Франция лигасынын кубогун багындырды эми 2 калган трофей калды. Алардыда утуп алуу мумкунчулугу жогору себеби Францияда ПСЖ жакшы оюн корсотуп жатат

Dembele84

2018-04-02 22:35:45

Алвес дагы деле болсо Барселонада качественный оюн корсотуп журмок,эмнеге сатты билбейм.

Beknur10

2018-04-03 20:27:54

Красавчик доске вперёд

Комментарий калтыруу үчүн өз ысымыңыз менен кириңиз же каттоодон өтүңүз.