Кытайда өлгөндөн кийин сөөгүн өрттөп, күлүн деңизге чачууга уруксат берген карыларга акча төлөнөт

Кытайдын Вэньлин шаарында "мен өлгөндөн кийин сөөгүмдү өрттөп, күлүн деңизге чачууга уруксат берем" деген карыларга акча төлөө долбоору ишке киргизилүүдө. Бул тууралуу чет элдик басылмалар жазып чыгышты.

Маалыматка караганда, Кытайдагы жерге берилген сөөктөрдүн көптүгү жаратылышка зыян келтирип жатат. Муну алдын алуу максатында көзү тирүү кезинде карылар менен келишим түзүлүп, ага акча төлөп берүү долбоору ишке киргизилген. Келишимге кол койгон карылардын сөөгү өрттөлүп, күлү деңизге чачылат.

Карылардын макулдугун алуу үчүн атайын акчалай сыйлыктар уюштурулган. Макулдугун берген 70 жаштан жогору курактагы карыларга ай сайын (каза болгонго чейин) акча төлөнөт. Шаар тургунунун жаш курагы улуу болсо, акчалай сыйлык көп берилет. Мисалы, 80 жаштан 90 жашка чейинкилерге 1 айга 32 долларга чейин төлөнсө, 90 жаштан 100 жашка чыккандарга 48 долларга чейин берилери келишимде көрсөтүлгөн. Эң көп жашаган, тактап айтканда, 100 жаштан ашкандар үчүн 64 долларга чейин акча төлөнүп берилерин кытай басылмалары жазып чыгышты.

Аталган долбоорго катышууну каалаган жергиликтүү Дай Юйинь аттуу тургун өз оюн билдирген. "Мен балыкчымын. Деңиз - бул менин экинчи үйүм. Өлгөндөн кийин экинчи үйүмө барууну каалайм", - дейт ал.

Сөөктү жерге берүү жаратылышка зыян келтирип жатканын алдын алуу үчүн аталган шаардан тышкары ар кайсы региондордо мындай долбоордун башка түрлөрү ишке киргизилген. Мисалы, сөөктү мештерге салып өрттөө, абага көмүү (өлүктү даракка асып коюу).

Негизинен Кытайда өлүктү көмүү салты боюнча сөөк жыгач табытка салынып, мурда көмүлгөн туугандарынын жанына коюлуусу керек. Бирок шаар бийлиги "өлүктү көмүүнүн мындай жолу көп жыгачты жана жер тилкесин талап кылат" деп билдирген.

БУУнун калкты эсептөө департаментинин берген маалыматына ылайык, 2018-жылга карата Кытайда 1 миллиард 415 миллион калк жашайт. Ал эми өлүм статистикасы боюнча 2010-жылдан 2015-жылга чейин 48 миллион жаран өлгөн деген көрсөткүч чыккан. Орто эсеп менен алганда Кытайда бир жылда тогуз жарым миллион жаран өлдү дегенди түшүндүрөт.

Ал эми демографиялык изилдөөлөрдүн жыйынтыгы менен 2015-2020-жылдары Кытайда 53 миллионго жакын адам өлөрү болжолдонууда. Тактап айтканда, бир жылда 11 миллионго жакын адам өлөт.

Адистердин айтымында, Кытайдагы узак өмүр сүрүү медициналык кызматтын жакшыруусу жана "Бир үй-бүлө - бир бала" саясаты себеп болууда дешет. Бирок бул долбоор 2016-жылы өз ишин токтоткон.

Автор: Айнуска Жороканова

12:24 06-04-2018

Жазылуу

РУБРИКАДАГЫ СОҢКУ КАБАРЛАР

18:03 2025-06-23 | Коом жана турмуш

Жер мунапысы боюнча арыздарды кабыл алуу 1-июлда аяктайт 2 0

17:59 2025-06-23 | Түркүн дүйнө

Путин: "Иранга жасалган чабуул - себепсиз агрессия" 67 0

17:57 2025-06-23 | Коом жана турмуш

Өлкөдө В гепатитине каршы эмдөө уланууда 50 0

17:57 2025-06-23 | Кылмыштар, кырсыктар

Нарындагы сел кырсыгына байланыштуу шашылыш жыйын өткөрүлдү 37 0

17:40 2025-06-23 | Маданият, шоу-бизнес

Жазуучу жана котормочу Шаршеналы Абдылдаев каза болду 135 0

17:33 2025-06-23 | Коом жана турмуш

Баткенде жаңы аскердик шаарча ачылып, чек арачыларга батирлер тапшырылды 234 0

Архив

Комментарийлер (13)

Beks.Kasymov

2018-04-06 12:29:02

тан горуу бу кытай дегенинер олуктуда жон койбойт тура!

haydarkan

2018-04-06 12:29:23

Ушу кантип болсун эми.

pat12

2018-04-06 12:55:31

Айла жок. Комгонго жери жок денизге ыргытуунун амалы.

nurgaz

2018-04-06 13:03:02

Орттоп убара болбой эле, олукту денизге атып жиберсинда, дениз жандыктары жеп коёт.

nazi25

2018-04-06 13:07:55

Мынча эле көп болбосо бу кытайлар.Күлүн чачса сууга да зыяны тиет го акыры.

kriss120

2018-04-06 13:12:42

Ыйман болгондо мындай кылмак эмес

Shokoladka94

2018-04-06 13:15:21

Суу жаратылышка кирбейт бекен? Денизди булгап, жаныбарларын кырып туготот го

aIways-here

2018-04-06 13:18:46

Дүйнөдө калк саны, турак жай көбөйгөндөн көбөйүп бара жатат. А бош жерлер азайып бара жатат. Акыры бир кун бизде да көмгөнү жер табылбай калат. Дүйнөдө чоң согуштар, алааматтар ошон үчүн болуп турат. Эгерде экинчи дуйнолук согуш болбогондо, Чынгызхан миллиондогон адамдарды кырып шаарларды ойрон кылбаганда, азыр мындан да тыгын жашоо болмок. Кудай согуш апаат мн дуйнону жонго салды.

Targarien

2018-04-06 13:48:04

Денеси жердин астында курт жеп жаткандан коро орттоп денизге ыргыткан туура. Илгери Эне-Сайда жашаган кыргыздар да Барсбек Кагандын убагында ошентишкен

AKCAHAT

2018-04-06 16:50:56

Targarien, туура бир жагынан. Бизде даже телосунда кыйналып чиришине ыраазы мазохистер. Илимий жактан да деле диний жактан деле жакшы эмеспи. Кыйналып жерге кысылгыча ачык денизге чачылып кеткен оной.

-1

nur_92

2018-04-07 00:44:23

Targarien,эмне силер капырсынарбы АстафирАлла

mirkaa5182

2018-04-06 17:05:01

Кытайың деген кыйын калк келет экен...

zamir_kgz

2018-04-09 12:38:17

Шумдук!!! Шариатта жана Ислам дин аалымдарынын оюнда кандай экен?

Комментарий калтыруу үчүн өз ысымыңыз менен кириңиз же каттоодон өтүңүз.