Түркмөнстанда мамлекеттик дүкөндөр бир адамга экиден гана нан сатууда. Бул тууралуу чет элдик басылмалар жазып чыгышты.Маалыматка караганда, мындай чектөө Мары шаарындагы мамлекеттик дүкөндөрдө киргизилген. "Чектөөгө карабай дүкөндөрдө нан калбай калууда жана кезек күткөндөрдүн саны көп. Жергиликтүү наабайканалар түнү менен иштеп жатат. Ошондой эле элге дүкөндөрдө ун дагы чектөөлөр менен сатылып, бир адамга 5 килограммдан ашык ун сатууга тыюу салынган", - деп жазылат маалыматта.
Айта кетсек, Түркмөнстанда 2017-жылы унга болгон тартыштык күчөп кеткен. Мунун себептери, 2017-жылы түшүмдүн көлөмү төмөндөп кеткен, 1 миллион 600 миң тонна түшүм алуу күтүлгөнү менен 1 миллион тонна гана өндүрүлгөн жана сырттан ун сатып алууга каражат тартыш болгон. Мунун айынан өлкөдө унга болгон баа эки эсеге өскөн, орточо эсеп менен бир кап ун 50 манат (1 000 сом) турса, бул баа 100 манатка (2 000 сом) чейин көтөрүлгөн.
