Ысык-Көл. Тоң районунда кар аралаш жааган жамгырдын кесепетинен өлгөн майда жандыктардын саны 676га жетти

Жайытта өлгөн койлорду унаалар менен айылга алып келишти

Суукатан өлгөн койлор

Жайлоого 30 сантиметр кар жаады

Жайлоо кар жаагандан кийин

Өлгөн малдын санын тактоо учуру

Район жетекчилери, ӨКМнын кызматкерлери жайыттын ал-абалы менен таанышууда

Суукта тоңуп өлгөн козу

Өлгөн койлордун саны 676га жетти

Өлгөн малдарды унааларга жүктөп айылга алып кетишүүдө

Ысык-Көл облусуна караштуу Тоң районунда 17-июнда нөшөрлөп жааган жамгыр карга айланып, жааган кардын калыңдыгы 5-10 сантиметрди түзгөн. Ал эми тоодогу жайыттарда кар 30 сантиметрге жеткен. Бул тууралуу Тоң районунун акими Бакыт Рыспаев кабарлады. Маалыматка таянсак, кардын кесепетинен чабандар көптөгөн чыгымга учурады. Бүгүнкү күндө жалпы район боюнча 676 кой, 21 уй, 6 жылкы өлгөндүгү такталды. "Бул көрсөткүч дагы көбөйүшү мүмкүн. Себеби кээ бир жайыттарга унаа бара албай, райондун жетекчилери, ӨКМнын кызматкерлери аттар менен барып, өлгөн малдын санын тактоо иштерин жүргүзүп жатышат. Райондогу Күн- Чыгыш, Ак-Терек, Көк-Мойнок, Болот Мамбетов айыл өкмөттөрү чыгымга учуроодо. Алардын ичинен Ак-Терек айыл өкмөтүндө 300дөн ашык майда мал өлдү",- деди район акими.

Автор: Айзат Анарбекова
Фото: Айзат Анарбекова