Осмонбек Артыкбаев ЖЭБ боюнча Кытай менен келишим түзгөн органдарды атады

Тектеш кабарлар: Бишкек ЖЭБи чуусунун парламентте көтөрүлүшү (218 материал)

Кытай менен насыялык келишимди Энергетика министрлиги жүргүзгөн эмес. Мындай пикирин SUPER.KG порталына мурдагы энергетика министри, Жогорку Кеңештин учурдагы депутаты Осмонбек Артыкбаев билдирди.

Анын айтымында, ошол кездеги Энергетика министрлиги макулдашуу иштерин эмес, уюштуруу иштерин гана аткарган.

"Кытай мамлекеттик банкы менен насыялык келишимди Кыргыз өкмөтүнүн атынан Каржы министрлиги даярдаган. Келишим бардык министрликтердин макулдугунун негизинде өкмөттүн буйругу менен мыйзам катары парламентте кабыл алынып, ал мыйзамга президент кол койгон.

2013-жылдын 11-сентябрында Шанхай кызматташтык уюмунун саммитинде Кыргыз мамлекетинин атынан каржы министри жана Кытайдын "Эксимбанкынын" жетекчилери бул келишимге кол коюшкан. Бул насыяны Кыргыз мамлекети алган, ошондуктан бул насыялык келишимге жооптуу - Каржы министрлиги. ТВЕА менен контракттык келишим боюнча ишти "Электр станциялары" ишканасы жүргүзгөн жана ага кол койгон.

Ошол кездеги Энергетика министрлиги координациялык милдетти гана аткарган. Мисалы, өкмөт, Жогорку Кеңеш жана башка тийиштүү органдарды бири-бири менен байланыштырып, уюштуруу иштерин жүргүзгөн. Насыялык келишимге дагы, контракттык келишимге дагы Энергетика министрлиги кол койгон эмес.

Ал эми коомдук уюм айтып жаткан негиздеме-маалым катты макулдук берүү катары бир гана Энергетика министрлиги эмес, бардык министрликтер жазат. Экспертиза жүргүзүү боюнча да "Электр станциялары" ишканасы жооптуу, техникалык жагына Энергетика министрлиги жооп бербейт", - деди Артыкбаев.

Айта кетсек, "Прецедент" коомдук уюмунун мүчөсү, укук коргоочу Нурбек Токтакунов "Кытай банкы менен насыялык келишим долбоорун ошол учурдагы энергетика министри Осмонбек Артыкбаев даярдаган, ошондуктан ал ЖЭБдеги өндүрүштүк кырсык боюнча жооп бериши керек" деген пикирин билдирип, прокуратурага арыз жазганын билдирген болчу.

13:57 04-05-2018

Автор: Бекболсун Молдояр уулу

Жазылуу

РУБРИКАДАГЫ СОҢКУ КАБАРЛАР

21:54 2024-05-08 | Коом жана турмуш

Ош шаарындагы Улуу Ата Мекендик согуштун жана оруктун ардагерлери сыйланды 21 0

21:27 2024-05-08 | Саясат

Садыр Жапаров Жогорку Евразиялык экономикалык кеңештин мааракелик жыйынына катышууда 113 0

21:00 2024-05-08 | Кылмыштар, кырсыктар

Аламүдүн капчыгайында 3 турист изделүүдө 186 0

20:20 2024-05-08 | Саясат

Кыргызстан менен Тажикстандын Чек ара кызматтары биргелешкен билдирүү жасады 695 0

20:06 2024-05-08 | Коом жана турмуш

Ысык-Көлдө пансионаттардын пирстеринин абалы текшерилүүдө 288 0

19:44 2024-05-08 | Бизнес-Инфо

"Бакай Банктын" алдындагы Ислам каржы борбору кичи ажылыкка сертификат ыйгарды 147 0

Архив

Комментарийлер (10)

Alixan-Nookat.2015

2018-05-04 14:08:18

Стрелканы ушинтип бири бирине буруп отурушуп акыры кароолчу күнөөлүү болот же эч ким күнөөлүү болбой калат.

tursunbaev78

2018-05-04 14:35:10

Alixan-Nookat.2015,туура айттың,башталды актаныш

TazaKyrgyz

2018-05-04 14:26:17

Ууру тойгончо жеп олгончо карганат.

kalpak.kg92

2018-05-04 14:43:42

Ушул ХХХХХХХ ашаны актаган ХХХХХХХ силер ХХХХХХХХХ..биринди бирин актап баарын акбыз дейсинерби элбилет баарын босун

admin_superstan

2018-05-04 15:59:21

kalpak.kg92, коомдук адепке туура келбеген сөздөрдү жазууга тыюу салынат! 5 күн БАНга!

zhaku2017

2018-05-04 14:54:58

Жыртык үйдү жел табат, калп сөздү эл табат, болуп элди калп айта алышпайт. Жутчулук жылы ит семиз, тумоолуу жылы молдо сезим болуп, учурундан пайдаланып булар да далай акчага семирип алышты.

Rusbek1987

2018-05-04 15:30:26

Коррупциянерлер бир жагынан мамлекетти соруп атса экинчи жагынан карыздарды толосок мамлекет онолбой эле артка кетет го кайра. Качан онгулуктуу жашоо болот э кудай

kairhai

2018-05-04 15:35:43

Ошол мезгилде "Электр станциялары" ишканасынын жетекчиси ким болду экен. Ал эми азыркы жетекчиси У.Кыдырбаевдин куноосу жок.

Kyialbek.89

2018-05-04 15:40:16

Бул адамды биз жакшы билебиз акчаны бул жеген емес осмонбек артыкбайев колунда жокторго жардам берет еле балдарына школьный формаларын алып берет еле артыкбай калпанын баласы

din_tomas

2018-05-04 18:24:42

Kyialbek.89, Артыкбай калпанын небереси
, туура өзүнүн жергесине жакшы иштерди кылууда, бирок бүтүндөй мамлекетке кылган зыяны өтө чоң
Урууну эмес улутту ойлогон азамат болсо болмок

Комментарий калтыруу үчүн өз ысымыңыз менен кириңиз же каттоодон өтүңүз.