Бишкек шаарында кыргыз күрөш боюнча мелдеш өтөт

Бишкек шаарында Советтер Союзунун баатыры Самат Садыковдун элесине арналган кыргыз күрөшү боюнча республикалык турнир өтөт. Бул тууралуу Жаштар иштери, дене тарбия жана спорт боюнча мамлекеттик агенттиктен кабарлашты.

Маалыматка ылайык, мелдеш 8-9-май күндөрү Каба уулу Кожомкул атындагы спорт сарайында болуп, жети дубандын балбандары күч сынашат. Турнирди өткөрүү үчүн спорттун улуттук түрү боюнча дирекциясынан 287 миң сом бөлүнгөн.

Агенттиктен билдиргендей, иш-чаранын максаты - улуттук спортту жайылтуу жана коомчулукту спорт менен машыгууга үндөө болуп эсептелет.

Автор: Айзада Тураркулова