Көк бөрү: "Аафият" командасы атаандашынын тай казанына 15 улак таштаганга үлгүрдү

Бүгүн, 7-майда Ысык-Көл облусунун Чолпон-Ата шаарында 9-Май - Жеңиш күнүнө арналган көк бөрү боюнча республикалык мелдештин алкагында Биринчи Лигадагы беттештер орун алды.

Анда "А" тайпасында "Көк-Жал" менен "Жаш-Күч" командалары беттешсе, "Б" тайпасында "Жаш-Тилек" менен "Аафият" командаларынын беттеши орун алды.

"А" тайпасындагы беттеште "Көк-Жал" командасы 6:3 эсебинде "Жаш-Күчтү" утса, "Б" тайпасында "Аафият" командасы "Жаш-Тилек" командасына бир да мүмкүнчүлүк бербей 15:0 эсеби менен утуп алды.

Биринчи Лиганын тизмеси:

"А" тайпасы:

"Сары-Өзөн";

"Көк-Жал";

"Жаш-Күч".

"Б" тайпасы:

"Аафият";

"Жаш-Тилек";

"Толкун".

7-майда орун алган беттештердин жыйынтыгы:

"Көк-Жал" - "Жаш-Күч" - 6:3

"Жаш-Тилек" - "Аафият" - 0:15