Көк бөрү: "Толкун" командасы "Аафиятты" утуп, финалга аттанды

Бүгүн, 8-майда Ысык-Көл облусунун Чолпон-Ата шаарында 9-Май - Жеңиш күнүнө арналган көк бөрү боюнча республикалык мелдештин Биринчи Лигасынын финалында "Сары-Өзөн" командасы менен "Толкун" командасы ойнойт.

Биринчи Лиганын "Б" тайпасындагы 3-айлампада "Толкун" менен "Аафият" командалары кез келди. Кызуу беттештин жыйынтыгында "Толкундун" улакчылары 3:2 эсеби менен "Аафиятты" утуп, эми финалда ойнойт. Биринчи Лиганын финалында "Толкун" командасы "Сары-Өзөн" менен беттешет.

Эске салсак, "Сары-Өзөн" бүгүн "Жаш-Күч" командасын 12:0 эсебинде утуп, финалга аттанган. Финалдык беттеш эртең, 9-майда орун алат.

Айта кетсек, Жогорку Лиганын финалында "Достук" менен "Ынтымак" командалары күч сынашат.

Биринчи Лиганын тизмеси:

"А" тайпасы:

"Сары-Өзөн";

"Көк-Жал";

"Жаш-Күч".

"Б" тайпасы:

"Аафият";

"Жаш-Тилек";

"Толкун".

Автор: Нурсултан Нурболот уулу