Көк бөрү: "Сары-Өзөн" командасы Биринчи Лиганын жеңүүчүсү аталды

Бүгүн, 9-майда Ысык-Көл облусунун Чолпон-Ата шаарында Жеңиш күнүнө арналган көк бөрү боюнча республикалык мелдештин Биринчи Лигасынын жеңүүчүсү "Сары-Өзөн" командасы болду.

Биринчи Лиганын мыкты командалары күч сынашкан беттештин жүрүшүндө "Сары-Өзөн" командасы атаандашынын тай казанына 7 улак таштаса, "Толкун" командасы 2 улак таштаганга үлгүрдү.

Муну менен "Сары-Өзөн" командасы 7:2 эсебинде жеңүүчү аталып, 200 миң сом акчалай сыйлыкка ээ болду. Ал эми 2-орунду ээлеген "Толкун" командасы 100 миң сом жеңди.

Эске салсак, Биринчи Лигада жалпы 6 команда катышкан. Алар 2 тайпага бөлүнүп айлампа түрүндө беттештерди өткөрдү. 3 күндүк беттештердин жыйынтыгында финалга "Толкун" менен "Сары-Өзөн" командалары аттанган.

"Сары-Өзөн" командасы "А" тайпасында "Көк-Жал" командасын 4:2 эсебинде жана "Жаш-Күч" командасын 12:0 эсебинде утуп алган.

"Толкун" командасы "Б" тайпасында "Жаш-Тилек" командасын 8:4 эсебинде жана "Аафият" командасын 3:2 эсебинде жеңген.

Айта кетсек, бүгүн Жогорку Лиганын финалдык беттеши орун алат. Анда "Достук" менен "Ынтымак" командалары күч сынашмакчы. Ал эми бул лигада 3-орунду "Биримдик" командасы утуп алса, 4-орунда "Четинди" командасы жайгашты.

Жогорку Лиганын финалдык беттеши саат 13:00дө орун алмакчы.

Манас Ниязов көк бөрүдөн "Достукка" жеңиш алып келди

Автор: Нурсултан Нурболот уулу
Фото: Нурсултан Нурболот уулу

11:55 09-05-2018

Жазылуу

РУБРИКАДАГЫ СОҢКУ КАБАРЛАР

15:36 2025-05-15 | Коом жана турмуш

Президент хоккей боюнча улуттук кураманын мүчөлөрүнө акчалай сыйлык тапшырды (сүрөт) 26 0

15:33 2025-05-15 | Коом жана турмуш

SUPER.KG порталынын журналисти Мароккодогу дүйнөлүк конгресске катышууда 40 0

15:25 2025-05-15 | Коом жана турмуш

Чүйдүн чегиртке каптаган талааларында дарылоо иштери жүрүүдө (видео) 86 0

15:00 2025-05-15 | Коом жана турмуш

Президенттин иш башкармасы МИКке нааразы болгон депутатка жооп берди 339 0

14:45 2025-05-15 | Саясат

"Оппозициялык күчтөр кылып жатса керек". Садыр Жапаров кыргыз-казак тарыхы боюнча маек берди 321 0

14:34 2025-05-15 | Коом жана турмуш

+39 градуска чейин ысыйт. 16-майга карата аба ырайы 239 0

Архив

Комментарийлер (6)

FCB14

2018-05-09 12:22:59

Достукка Ийгилик

urmat94

2018-05-09 12:52:42

Туз алып берсе жакшы болот эле озу

umar.kgz

2018-05-09 12:55:06

Достук уткула.....

jemile

2018-05-09 14:10:04

"КТРК спорт" деген неме көк бөрүнү түз алып бере албаса ииии...

-1

jemile

2018-05-09 14:10:18

Аябай күтүп атса...

Topchu83

2018-05-09 14:24:38

ктрк спортко нааразы болуп кетесин мамлекеттеги эн негизги спорт оюндарын алым бере албайт мисалы бугунку кок бору финалы, Бангладештеги волейбол боюнча зональный азия чемпионаты

Комментарий калтыруу үчүн өз ысымыңыз менен кириңиз же каттоодон өтүңүз.

Көк бөрү: "Сары-Өзөн" командасы Биринчи Лиганын жеңүүчүсү аталды

Манас Ниязов көк бөрүдөн &quot;Достукка&quot; жеңиш алып келди

РУБРИКАДАГЫ СОҢКУ КАБАРЛАР

Манас Ниязов көк бөрүдөн "Достукка" жеңиш алып келди