АКШ Орусиянын бир катар күч түзүмдөрүнө каршы санкцияларды киргизгени жатат. Бул тууралуу чет элдик маалымат каражаттары жазышууда.Мындан тышкары тизмеге Ирандын, Түндүк Кореянын, Египеттин, Түркиянын, Сириянын жана Бириккен Араб Эмираттарынын уюмдары менен жарандары дагы киргизилген. Орусиянын Тышкы иштер министрлиги АКШнын жаңы санкцияларын "14-апрелде Сирияга карата жасалган ракеталык чабуулдардын оңунан чыкпай калгандыгы үчүн эсептешүү аракети деп түшүнсө болот" деп билдирди.
Буга чейин Иранга, Түндүк Кореяга жана Сирияга курал жеткирбөө боюнча америкалык мыйзамдарды бузгандыгы үчүн Вашингтон Орусиянын "Рособоронэкспорт" ишканасына каршы санкция киргизгени белгилүү болгон.
