Малайзиянын мурдагы премьер-министри Нажиб Разакка жана анын туугандарына өлкөдөн чыгууга тыюу салынды

Малайзиянын мурдагы премьер-министри Нажиб Разакка жана анын туугандарына өлкөдөн чыгууга тыюу салынды. Бул тууралуу 12-майда чет элдик басылмалар жазып чыгышты.

Маалыматка ылайык, Разак жана анын жубайы өлкөдөн чыгууга тыюу салынган адамдардын тизмесине киргизилди. Нажиб Разак 9-майдагы парламенттик шайлоодо утулуп калгандан кийин жубайы менен Индонезияга кетүүгө камынып жатканын социалдык түйүндөгү баракчасына жарыялаган.

Өкмөт 1MDB мамлекеттик фондунун тегерегиндеги коррупциялык чыр-чатактын негизинде иликтөө ишин жандандырган. Разак 2015-жылы аталган фондго байланыштуу уюмдан 700 миллион доллар алганы боюнча айыпталып келет. Кийинчерээк Малайзиянын башкы прокурору Мохамед Апанди Али андан коррупция боюнча айыпты жокко чыгарып, акча Сауд Арабиясынын падышасынын үй-бүлөсүнүн атынан белек катары берилгенин айткан.

Наджиб Разак 1976-жылы 23 жашында депутат болгон. Ал эми 1978-жылы болсо энергетика министринин орун басары болуп дайындалган. 2004-2008-жылдары каржы министри, 2008-2009-жылы коргоо министри болуп эмгектенген. Ал эми 2009-жылы премьер-министр кызматына келген.

Малайзияда 9-майда парламенттик шайлоо өтүп, 92 жаштагы ардагер саясатчы Махатхир Мохамаддын оппозициялык биримдиги жеңишке жеткен. 10-майда Малайзиянын падышасы Махатхир Мохамадды өлкөнүн премьер-министрлигине дайындаган.

Автор: Жылдыз Джускембаева

09:01 13-05-2018

Жазылуу

РУБРИКАДАГЫ СОҢКУ КАБАРЛАР

12:47 2025-05-02 | Кылмыштар, кырсыктар

Бишкектин борборунда оюн-зоок унаа менен самокатчан жигит сүзүштү (фото) 106 0

12:01 2025-05-02 | Коом жана турмуш

Бишкекте түнкүсүн уйку бербеген мотоцикл, мопеддер айып короого токтотулуп жатат (видео) 187 0

11:24 2025-05-02 | Түркүн дүйнө

Израиль Дамасктагы президенттик сарайдын жанына сокку урду 575 0

10:57 2025-05-02 | Коом жана турмуш

АКШ депортациялаган 20 кыргызстандык жаран өлкөгө кайтып келди 631 0

10:34 2025-05-02 | Түркүн дүйнө

"Өлүм көп болсун дегем". "Крокустагы" терактка шектүүлөрдүн бири дагы бир кылмышын айтты 1815 0

10:13 2025-05-02 | Коом жана турмуш

СМА менен ооруган Аймээримге акча чогултуу үчүн кайрымдуулук концерти өтөт 787 0

Архив

Комментарийлер (2)

Musafir

2018-05-12 23:23:42

Жарыялабай эле кача бербепсин).

Mers124

2018-05-13 11:57:09

Дуйнодо парламенттик олконун баары онуккон. Текебаев деле ушуларды коруп отуруп жазган. Бирок, кыргыздар озубуз даяр эмес экенбиз. Бир адамга кулдук урганга уйронуп алганбызбы. Депутаттын баары эле президентти акелеп журот.

Комментарий калтыруу үчүн өз ысымыңыз менен кириңиз же каттоодон өтүңүз.