Нурсултан Назарбаев Казакстандын Коопсуздук кеңешин өмүр бою жетектей турган укукка ээ болду

Мажилис Нурсултан Назарбаевдин өмүр бою Коопсуздук кеңешин жетектей турган мыйзам долбоорун жактырды. Бул тууралуу жергиликтүү маалымат булактары жазууда. Мажилис депутаттары аталган мыйзам долбоорун кечээ, 16-майда биринчи окууда эле колдошкон.

Коопсуздук кеңешинин милдеттерине:

- Мамлекеттик саясаттын улуттук коопсуздук жана өлкөнүн коргонуу жөндөмдүүлүгү тармактарындагы негизги багыттарын карап чыгуу;

- Бул багыттагы мамлекеттик органдардын ишмердүүлүгүн координациялоо кирет.

Казак Республикасынын Коопсуздук кеңешинин төрагасынын жана мүчөлөрүнүн ыйгарым укуктарына:

- Коопсуздук кеңешинин ишмердүүлүгүн ишке ашыруу;

- Кеңештин отурумдарын жана чукул жыйындарын өткөрүү;

- Коопсуздук кеңеши жөнүндөгү жоболорду бекитүү;

- Башка ыйгарым укуктарды ишке ашыруу.

"Коопсуздук кеңеши жана анын аппаратынын чыгымдары республикалык бюджеттен каржыланат. Бул мыйзам долбоорун кабыл алуу менен улуттук коопсуздукту жана өлкөнүн коргонуу жөндөмдүүлүгүн камсыздаган орган катары Коопсуздук кеңешинин ролун жана ордун ачык аныктоого мүмкүндүк берет", - деген юстиция министри Марат Бекетаев.

Мажилиске жөнөтүлгөн мыйзам долбоорунда, Казакстандын биринчи президенти өмүр бою өлкөнүн Коопсуздук кеңешин жетектөөгө укуктуу боло тургандыгы белгиленген. Докладды уккан соң катталган 104 депутат тең мыйзам долбоорун жактырган.

Автор: Кызжибек Раимова

14:09 17-05-2018

Жазылуу

РУБРИКАДАГЫ СОҢКУ КАБАРЛАР

12:47 2025-05-02 | Кылмыштар, кырсыктар

Бишкектин борборунда оюн-зоок унаа менен самокатчан жигит сүзүштү (фото) 106 0

12:01 2025-05-02 | Коом жана турмуш

Бишкекте түнкүсүн уйку бербеген мотоцикл, мопеддер айып короого токтотулуп жатат (видео) 187 0

11:24 2025-05-02 | Түркүн дүйнө

Израиль Дамасктагы президенттик сарайдын жанына сокку урду 575 0

10:57 2025-05-02 | Коом жана турмуш

АКШ депортациялаган 20 кыргызстандык жаран өлкөгө кайтып келди 631 0

10:34 2025-05-02 | Түркүн дүйнө

"Өлүм көп болсун дегем". "Крокустагы" терактка шектүүлөрдүн бири дагы бир кылмышын айтты 1815 0

10:13 2025-05-02 | Коом жана турмуш

СМА менен ооруган Аймээримге акча чогултуу үчүн кайрымдуулук концерти өтөт 787 0

Архив

Комментарийлер (4)

Azatbek.Svoboda.

2018-05-17 14:16:10

Биздикилер угушпасын укса да ээ ушул жагын унутуп калыпмын деп башын чеңгелдейт! Бирок ал өзүң сонун кылып алды жетет ошол Ак үйдүн баатыры деген наамын досунан суранып жатып алган болот ошол!

karakulja

2018-05-17 16:05:33

10 жылдан кийин Назарстан болот буйруса

Meni_unut

2018-05-18 17:26:14

Татыктуу!!!

USSR

2018-05-20 10:58:37

"өлүп кутуласың" дегени ушул экен да)

Комментарий калтыруу үчүн өз ысымыңыз менен кириңиз же каттоодон өтүңүз.