Кыздын калыңы канча? Калың тууралуу тартылган "Мегатой 2" тасмасынын бет ачары болуп өттү

7-июнда Бишкектеги кинотеатрлардын биринде "Мегатой 2" аталышындагы тасманын бет ачары болуп өттү. Комедия жанрындагы тасманы көрүүгө эстрада жылдыздары, белгилүү актёрлор жана режиссёрлор келишти.

Тасмада Кыргыз Республикасынын Эмгек сиңирген артисти Мурат Мамбетов, Альбина Имашева, Аскат Сулайманов, ырчы Самат Дөөлөтбаков, алып баруучу Айзада Жамгырчиева, Максат Надырбеков, Нурдөөлөт Копоев,"тамашоучу" Азамат Исмаилов роль жаратышкан.

Турмуштагы окуялар, кыргыздардын үйлөнүү тоюндагы кызыктар, салттар тамаша аркылуу көрсөтүлүүчү тасманын режиссёру - Сүйүн Откеев. Ал "Мегатой" тасмасы ийгиликтүү тартылгандыктан элге жагып, көптөгөн суранычтар менен фильмдин экинчи бөлүгү тартылганын жана ага кеткен чыгым болжол менен 20 миң долларды түзгөнүн айтты.

"Мегатой" тасмасын тартып жатканда экинчи бөлүгүн да тартабыз деген оюбуз болгон эмес. Биз тарткан фильм элге жагып, элдик тасмага айланды. "Мегатойдун экинчисин тарткыла" деген көптөгөн суранычтар болду. Бирок биз план жок болгондуктан, тартпайбыз деп жүргөнбүз. Ушул жылдын башында сценаристтер менен отуруп жакшы идея келди. Сценарий 2 айга жакын убакытта жазылды. Анда калың тууралуу кенен маалыматты камтыганга аракет кылдык", - деди Откеев.

Фильмде жаңы кудалашкан эки үй-бүлө калың жана той берүү тууралуу сүйлөшүү үчүн тойканада жолугушат. Кыз берген тарап кызыбызга 3 миң доллар калың, той жана тойго 150 кишилик орун берүүсүн талап кылышат. Ал эми кыз алып жаткан тарап шартка байланыштуу калың берсе, тойду өткөрбөөнү сунушташат. Ага макул болбогон кудалар "сунушубузга көнбөсөңөр, кызыбызды бербейбиз" деп чыгышат. Кудалардын келишпестиги эки жаштын сүйүүсүн бузабы? Бул суроого жоопту 8-июндан баштап борборубуздагы бардык кинотеатрлардан "Мегатой 2" тасмасынан таба аласыз.

Кыздын калыңы канча? Калың тууралуу тартылган "Мегатой 2" тасмасы

Автор: Илим Туратбек уулу
Фото: Илим Туратбек уулу

00:40 08-06-2018

Жазылуу

РУБРИКАДАГЫ СОҢКУ КАБАРЛАР

14:49 2025-05-09 | Коом жана турмуш

ЖЫЛНААМА, 9-МАЙ: Мындан 80 жыл мурун Советтик армия Улуу Ата Мекендик согушта жеңишке жеткен 62 0

13:55 2025-05-09 | Коом жана турмуш

SUPER.KG порталы кыргыз элин Улуу Жеңиш күнү менен куттуктайт 111 0

13:52 2025-05-09 | Супер-Инфо

“Акчанын айынан ооруканага жетпей жүрөбүз” 124 0

13:47 2025-05-09 | Коом жана турмуш

Жеңишке 80 жыл: Кыргызстандыктарды бир катар өлкөлөрдүн башчылары куттукташты 126 0

13:29 2025-05-09 | Коом жана турмуш

Жеңишке 80 жыл: Оштогу “Өчпөс от” комплексине гүлчамбар коюлду 210 0

13:24 2025-05-09 | Супер-Инфо

Арина Исакова, актриса: «Жолдошум мени таң калтырып бүтпөйт...» 223 0

Архив

Комментарийлер (1)

Zainidin96

2018-06-08 02:11:21

Нурлан менен Асел да журобу жанылышпасам эми тиги кино бар элего эл укпасын деген ошонун да 2 болугун тартышса жакшы болмок. Мегатой-2ни созсуз кором буюрса ийгиликтер болсун азаматсынар

Комментарий калтыруу үчүн өз ысымыңыз менен кириңиз же каттоодон өтүңүз.

Кыздын калыңы канча? Калың тууралуу тартылган "Мегатой 2" тасмасынын бет ачары болуп өттү

Кыздын калыңы канча? Калың тууралуу тартылган &quot;Мегатой 2&quot; тасмасы

РУБРИКАДАГЫ СОҢКУ КАБАРЛАР

Кыздын калыңы канча? Калың тууралуу тартылган "Мегатой 2" тасмасы