Менингиттин белгилери жана андан сактануунун жолдору

Коңшу Казакстанда менингококк инфекциясы менен жабыркагандардын саны өсүп жатат. Жыл башынан бери аталган дарттан 12 адам каза болгон. Ал эми Саламаттыкты сактоо министрлигинин билдиргенине таянсак, менингит менен жабыркагандардын саны акыркы жылдары 2 эсеге азайган.

Акыркы күндөрү интернетте Кыргыз жергесинде дагы 2 бала менингит оорусунан көз жумгандыгы тууралуу маалымат тарап кызуу талкууга алынган.

"Өлкөдө менингококк инфекциясынан жабыр тарткандардын саны туруктуу, эч кандай кооптуу абал жок. Ал эми көз жумган 2 бала тууралуу маалымат чындыкка дал келбейт", - дейт министрликтин басма сөз кызматы.

Менингит эмнеден пайда болот?
Аталган дартты бактериялар менен вирустар жаратып, бейтап менен кол алышуу, өбүшүү аркылуу жугат. Оорулуунун чүчкүрүгү, шилекейи, колдонгон буюмдары, суусу, тамак-ашы аркылуу жуккан учурлар да кездешет. Эпидемиялык убагы февраль менен апрель айынын аралыгы. Бул мезгилде аба ырайынын туруксуздугунан суук тийгизип алуу оңой болгондуктан оорунун жайылышына шарт түзүлөт. Менингитти убагында дарылабаса, адам өлүп да калышы мүмкүн.

Менингиттин белгилери:

Тамакка болгон табит жоголот.
Көрүү начарлайт.
Алсыздык менен уйку коштолот.
Жөөлүп сүйлөө.

Менингит оорусу жүлүндүн суюктугунан аныкталат
Менингитти так аныктап алуу үчүн пункция жасалат. Пункция деп шприц аркылуу жүлүндөн суюктукту сордуруп алууну айтат. Суюктук сордурулган соң лабораториядан текшерилип, менингитти козгогучтардын бар же жок экендиги аныкталат. Бейтап өз убагында кайрылып, так диагнозу аныкталса, дартты өз учурунда дарылап алса болот. Тескерисинче, оорулуу өз алдынча дарыланып, ооруканага барбай койсо каза болуп калуу коркунучу бар экенин дарыгерлер айтып келишет. Эгер үй-бүлө мүчөлөрүнөн бирөө менингитке кабылса, анда үйдөгүлөрдүн баары текшерүүдөн өтүп эмдөө алганы оң.

Менингиттен сактануунун жолдору:

Өз убагында эмдөө алуу;
Гигиенаны сактоо;
Элдер көп чогулган жерлерге сейрек баруу;
Иммунитетти көтөрүү (күнүмдүк рационго С витаминдерге бай болгон тамак-аштарды, мөмө жана жер-жемиштерди кошуу);
Сергек жашоо (бассейнге баруу, спорт менен машыгуу, таза абада эс алуу).

Эмдөөнү өз убагында алып жана жөнөкөй эрежелерди сактасаңыз менингит оорусунан жабыр тартып калуу мүмкүнчүлүгү азаят.

Автор: Айзада Тураркулова

23:56 13-06-2018

Жазылуу

РУБРИКАДАГЫ СОҢКУ КАБАРЛАР

18:13 2025-07-05 | Түркүн дүйнө

Трамп TikTokту сатып алуу келишими даяр экенин айтты 383 0

17:10 2025-07-05 | Коом жана турмуш

Таңкы рейдде Оштун мэри дагы бир көчөгө асфальт басууну чечти (видео) 704 0

16:05 2025-07-05 | Коом жана турмуш

Көтөрүп алып чуркап... Бишкекте потрулдук милиция эсин жоготкон кызга жардам берди (видео) 1129 0

15:23 2025-07-05 | Кылмыштар, кырсыктар

Бишкекте 70 миң доллар опузалаган жаран 5 миң алып жатып кармалды (видео) 1184 0

14:42 2025-07-05 | Түркүн дүйнө

Түркияда коррупциялык иштерге байланыштуу дагы үч мэр кармалды 575 0

14:17 2025-07-05 | Саясат

Садыр Жапаров: "Орус тилисиз биз Кыргызстандан алыс чыга албайбыз" 1151 0

Архив

Комментарийлер (8)

meerim01

2018-06-13 14:19:24

Рахмат

futboler

2018-06-13 14:30:13

Кудайым сактасын

Baian

2018-06-13 14:52:54

Жоолуп суйлоо деген кандай которулат же тушундуруп койгулачы.Подружкам «менингитмин»деп жатат.
Чоочулап атам,акыркы кундору (чогуу жашагандан бери)башым ооруп,козум карангылап уйкум эле келе берет.А подружкам тез тез чимкиринип турат.Мурда такыр байкачу эмесмин

sabirdinovich

2018-06-13 15:12:57

Baian, сенин подружкаң менингит эмес, балким гайморит болгон чыгар. Менингит болгон адам мен менингитмин деп жүрө албайт, жатып калат тура албай

Hurem

2018-06-13 18:16:32

Baian,жоолуп суйлоо бул уктап жатканда суйлонгон адам болсо керек. Орусча айтканда ворочаться ночью.

Armanymsyz

2018-06-14 11:56:05

Baian,

Сиздин курбунуз гайморит болуп калган окшойт.

Baian

2018-06-14 12:59:19

Baian,Анын озу гайморити бар болчу.Больницага барса «менингит»деген справка бериптир.
Такып сурай албай жатам

Munar92

2018-06-13 15:40:32

Оа ал гоймарит

Комментарий калтыруу үчүн өз ысымыңыз менен кириңиз же каттоодон өтүңүз.