Кыргыз дзюдочулар Азия оюндарына даярданып, окуу-машыгуу жыйындарын өткөрүүдө

Дзюдо боюнча Кыргыз курама командасы Азия оюндарына даярдануу максатында окуу-машыгуу жыйындарын өткөрүүдө. Бул тууралуу Жаштар иштери, дене тарбия жана спорт агенттиги кабарлады.

Маалыматка ылайык, Кыргыз курамасынын машыктыруучусу Сергей Кладнов окуу-машыгуу жыйындарына 7 спортчуну чакырган. Алардын арасында Олимпиада оюндарынын катышуучусу жана ири эл аралык мелдештердин жеңүүчүлөрү бар. Спортчулар жыйындарды Ысык-Көл облусунун Чолпон-Ата шаарында 12-30-июнь аралыгында өткөрүшөт.

Окуу-машыгуу жыйындарына төмөнкү спортчулар чакырылган:

60 килограммга чейинки салмак ченинде: Бекбоо Апышов - спорт чебери;
66 килограммга чейинки салмак ченинде:
- Артур Те - спорт чебери;
- Алмаз Алтынбек уулу - спорт чебери;
73 килограммга чейинки салмак ченинде: Бектур Рысмамбетов - спорт чебери;
90 килограммга чейинки салмак ченинде: Шахриер Идрисов - спорт чебери;
100 килограммдан жогорку салмак ченинде:
- Бекболот Токтогонов - спорт чебери;
- Юрий Краковецкий - эл аралык даражадагы спорт чебери;
Машыктыруучу: Сергей Кладнов;
Ага машыктыруучу: Сергей Мистрюков.